येस न्युज मराठी नेटवर्क : देशात कालच्या तुलनेत आज काही प्रमाणात कोरोना रुग्णांच्या संख्येत घट झाल्याचे दिसून आले. गेल्या 24 तासात देशात 2 लाख 38 हजार 18 नवीन कोरोना रुग्णांची नोंद झाली आहे. तर गेल्या 24 तासात देशात कोरोनामुळे 310 जणांचा मृत्यू झाला आहे. तर काल दिवसभरात 1 लाख 57 हजार 421 रुग्ण कोरोनातून बरे झाले आहेत. कालच्या तुलनेत आज कोरोना रुग्णांची संख्या घटली आहे. सोमवारी देशात 2 लाख 58 हजार 89 रुग्णांची नोंद झाली होती. त्यामानाने आज 20 हजार 71 रुग्ण कमी झाले आहेत.
सध्या देशात सक्रिय रुग्णांची संख्या वाढून 17 लाख 36 हजार 628 झाली आहे. तर देशात आत्तापर्यंत 3 कोटी 53 लाख 94 हजार 882 रुग्ण कोरोनातून बरे झाले आहेत. कोरोनामुळे आत्तापर्यंत देशात 4 लाख 86 हजार 761 रुग्णांचा मृत्यू झाला आहे. दरम्यान ओमायक्रॉन रुग्णांच्या संख्येत देखील सातत्याने वाढ होत असल्याचे दिसत आहे. सध्या देशात ओमायक्रॉनचे 8 हजार 891 एवढे आहेत. देशात लसीकरणाची मोहीम देखील वेगात सुरू आहे. आत्तापर्यंत देशात 158 कोटींपेक्षा जास्त लसींचे डोस देण्यात आले आहेत. काल दिवसभरात देशात 16 लाख 49 हजार 143 कोरोना चाचण्या करण्यात आल्या आहेत.
