शिवसेनेचे सोलापूर जिल्हा सहसंपर्कप्रमुख ठोंगे-पाटील यांची हकालपट्टी, बरडे झाले जिल्हा प्रभारी..!

शिवसेनेचे जिल्हा संपर्कप्रमुख लक्ष्मीकांत ठोंगे पाटील यांची पक्षाने हकालपट्टी केली आहे तर शिवसेनेचे नवे जिल्हा प्रभारी म्हणून पुरुषोत्तम बरडे यांची नियुक्ती केली आहे. पक्षाचे अधिकृत मुखपत्र असलेल्या दैनिक सामनामधून हे वृत्त प्रसिद्ध करण्यात आले आहे. माजी मंत्री तानाजी सावंत यांच्या विरोधात ठोस भूमिका पुरुषोत्तम बरडे यांनी घेतल्यामुळे त्यांना जिल्हा प्रभारी पदी नियुक्ती करून बक्षीस दिल्याचे सांगण्यात येत आहे तर यामुळे सावंत विरोधी गट असलेले बरडे तसेच महेश कोठे यांना थेट आता मातोश्रीवर आमंत्रण दिले गेले असल्याचे सांगण्यात येते.