येस न्युज मराठी नेटवर्क ; सोलापूर जिल्हा परिषदेचे मुख्य कार्यकारी अधिकारी दिलीप स्वामी यांनी आर आर आबा पाटील स्मार्ट व्हिलेज या योजनेअंतर्गत ग्रामपंचायत भेंडला तपासणी साठी भेट दिली. याप्रसंगी जिल्हा परिषद प्राथमिक शाळा भेंड या ठिकाणी स्वतः मुख्य कार्यकारी अधिकारी शाळेमध्ये आले आणि शाळेतील विद्यार्थ्यांचा चक्क त्यांनी पाठ घेतला, विद्यार्थ्यांच्या सर्वांगीण विकासासाठी वाचन लेखन आणि गणित या तीन कौशल्य फार महत्त्वाचे असून त्यावर ती शिक्षकांनी काम करणे खूप गरजेचे आहे असे मत त्यांनी व्यक्त केले. इयत्ता सातवीच्या वर्गामध्ये इंग्रजी विषयाचे वाचन, शब्दांचे अर्थ विद्यार्थ्यांकडून त्यांनी वदवून घेतले तर पाचवीच्या वर्गांमध्ये गेल्यानंतर विद्यार्थ्यांना फळ्या वरती इंग्रजी शब्द गणिती अंक लिहायला लावले, विद्यार्थ्यांमध्ये विश्वास निर्माण केला आणि उपस्थित सर्व मुख्याध्यापक शिक्षक यांना विद्यार्थ्यांच्या सर्वांगीण विकासासाठी वेगवेगळ्या बाबींवर काम करण्यासाठी मार्गदर्शन केले.तसेच शाळेची गुणवत्ता कमी असल्याने शिक्षकांना गुणवत्ता वाढविणेबाबत सक्त सुचना दिल्या आहेत.
