येस न्युज मराठी नेटवर्क :(शिवानंद जाधव) मोहोळ तालुक्यताील येणकी येथे ग्रामदैवत जकराया महाराजांची यात्रा १७ एप्रिल म्हणजचे रविवारपासून सुरु होणार आहे. दोन वर्षानंतर हि यात्रा भरणार असल्यामुळे येणकी ग्रामस्ता मध्ये सर्वत्र आनंदाचे वातावरण आहे. तीन दिवस चालणार्‍या या यात्रेनिमित्त विविध कार्यक्रमांचे आयोजन केले आहे. रविवारी सकाळी मंगळवेढा तालुक्यातील हुन्नूर येथून बिरोबा व हुलजंती येथून महालिंगराया यांच्या पालख्यांचे आगमन येणकी येथे सकाळी १० वाजता होते. दिवसभर अंबिल दाखविण्याचा कार्यक्रम झाल्यानंतर सायंकाळी चार वाजण्याच्या सुमारास या दोन्ही पालख्या माजी सरपंच कै. संभाजीराजे जाधव यांच्या घरामागे येतील.त्याचवेळी गावातून जकराया महाराजांची पालखी या ठिकाणी येऊन तिनही पालख्यांच्या भेटीचा नयनरम्य सोहळा हजारो भाविकांच्या उपस्थित पार पडणार आहे.
सोमवारी १८ एप्रिलरोजी तिनही देवतांसह गावातील देवतांना गोड नैवद्य दाखविण्यात येतो.या दिवशी कन्नड व मराठी धनगरी ओव्यांचा बहारदार कार्यक्रम जयकराया मंदिरात होणार आहे. सायंकाळी चार वाजता कुस्त्यांचा फड रंगणार आहे. तिसर्‍या दिवशी मंगळवार १९ एप्रिल रोजी तिन्ही पालख्या गावाच्या चावडीत येतात. यावेळी गावातील कलाकार विविध कला सादर करणार आहेत.अशा पद्धतीने येणकी येथे हि यात्रा मोठ्या उत्सहात पार पडत असते.
