विजयदादांना अजूनही कमळाचे वावडे..अकलूजमध्ये ‘कमळ गायब’…!

येस न्युज मराठी नेटवर्क : राष्ट्रवादी मध्ये असताना डावलले गेलेले मोहिते पाटील कुटुंब भाजपवाल्यांनी फासे टाकून आपल्या गळाला लावून घेतले. सुरुवातीला रणजितसिंह मोहिते पाटील यांचा भाजप मध्ये जाहीर प्रवेश झाला. त्यांना भाजपवाल्यांनी आमदार की देखील बहाल केली. लोकसभा निवडणुकीच्या निवडणुकीच्या तोंडावर पंतप्रधान नरेंद्र मोदी यांची अकलूज मध्ये जाहीर सभा झाली. या सभेत विजयसिंह मोहिते पाटलांचा मोदींनी सत्कार करत भरभरून कौतुक केले. मात्र अजूनही विजयसिंह मोहिते पाटलांना आपण भाजपमध्ये आहोत असं मनोमन वाटत नाही. राज्याचे अनेक वर्ष बांधकाम मंत्री ,काही वर्ष खासदार तसेच उपमुख्यमंत्री राहिलेल्या विजयसिंह मोहिते पाटील यांचा आज वाढदिवस. आज विविध दैनिकांतून त्यांच्या जाहिराती प्रसिद्ध झाल्या मात्र या जाहिराती मध्ये कुठेही भाजपचे नेते आणि कमळ चिन्ह दिसत नाही. भाजपमध्ये विजय दादा अस्वस्थ आहे आणि ते पुन्हा शरद पवारांच्या राष्ट्रवादीमध्ये जातील असेदेखील तर्कवितर्क अधून मधून लढविले जातात. त्यामुळे शांत संयमी आणि अबोल असलेले विजय दादा सांगा भाजपचे की राष्ट्रवादीचे असा प्रश्न आज वाढदिवसादिनी उपस्थित झाला आहे.