सोलापुर रविवारी सांयकाळी सहा ते रात्री बारा पर्यंत शिवजन्मोत्सव निमित्त शिवभक्तासाठी आणि बंदोबस्तासाठी असणाऱ्या पोलीस बांधवांसाठी तसेच शहर जिल्ह्यातून येणाऱ्या शिवप्रेमींसाठी अकरा हजार शिव भोजनाचे आयोजन केले असल्याची माहिती थोरला मंगळवेढा तालमीचे सर्वेसर्वा तथा बाळासाहेबांची शिवसेनेचे जिल्हाप्रमुख अमोल शिंदे यांनी पत्रकार परिषदेत दिली
सोलापूर शहरांमध्ये शिवजयंती मोठ्या उत्साही वातावरणात साजरी केली जाते. मोठ मोठ्या मिरवणुका निघतात मिरवणुका दरम्यान शहरातील सर्व हॉटेल रेस्टॉरंट बंद असतात. मिरवणुका पाण्यासाठी आलेल्या शहर जिल्ह्यातील शिवप्रेमींची गैरसोय होते. हे लक्षात घेऊन मिरवणुकीला फाटा देत छत्रपती शिवाजी महाराजांच्या चरणी पोटभर जेवण देऊन शिवप्रेमींना तृप्त करण्याचा उपक्रम थोरला मंगळवेढा तालमीच्या वतीने प्रतिवर्षी आयोजित केला जातो. गेली दोन वर्ष कोरोनामुळे हा उपक्रम राबवला गेला नाही मात्र यापूर्वी घेतलेल्या उपक्रमामध्ये 7000 शिवप्रेमींनी या शिव भोजनाचा आस्वाद घेतला होता.
यंदाच्या वर्षी मिळणारा प्रतिसाद आणि होणारी गर्दी लक्षात घेऊन 11000 शिवभक्तांना आणि शिवप्रेमींना तसेच बंदोबस्तासाठी असणाऱ्या पोलीस बांधवांना भोजन शिव भोजन देण्याचा निर्णय घेतला असल्याचे शिंदे यांनी यावेळी सांगितले
19 फेब्रुवारी रोजी सायंकाळी सहा ते रात्री बारा वाजेपर्यंत हा उपक्रम राबवला जाणार आहे .छत्रपती शिवाजी महाराज चौकातील यात्री कॉटेज येथे बाजीआण्णा मठाजवळ शिवभोजन होणार आहे. तरी सर्व शिवभक्तांनी याचा लाभ घ्यावा असे आवाहान अमोल शिंदे यांनी केले आहे शिवभजनाच्या उपक्रमाचे उद्घाटन बाळासाहेबांची शिवसेनेचे संपर्कप्रमुख शिवाजी सावंत , आमदार शहाजी बापू पाटील, आ.विजयकुमार देशमुख, सुभाष देशमुख , सचिन कल्याणशेट्टी , प्रणिती शिंदे समाधान आवताडे, माजी आमदार राजन पाटील, जिल्हाधिकारी मिलिंद शंभरकर, पोलीस आयुक्त राजेंद्र माने, महापालिका आयुक्त शितल तेली उगले, माजी महापौर महेश कोठे, पोलीस अधीक्षक शिरीष सर देशपांडे या प्रमुख तसेच शहर जिल्ह्यातील नेते मंडळींच्या उपस्थितीत हा उपक्रम राबवला जाणार असल्याचे शिंदे यांनी यावेळी जाहीर केले
या पत्रकार परिषदेस सागर पिसे , हर्षल वाघमोडे, किरण सिंह चौव्हान, अमित पवार , वैभव विभुते यांच्यासह मंगळवेढा तालमीचे पदाधिकारी कार्यकर्ते मोठ्या संख्येने उपस्थित होते
असा असणार मेनू शिव भोजनाचा आस्वाद घेण्यासाठी येणाऱ्या शिवभक्तांना टेबल खुर्चीवर बसून पुरी, दोन भाज्या, मसाला भात, तसेच स्वीट असणार आहे यासाठीदोनशे वाढपीची नियुक्ती केली आहे . मंडळाचे शंभर स्वयंसेवक या शिव भोजनाच्या नियोजनासाठी सज्ज असणार आहेत.
महिलांसाठी स्वतंत्र व्यवस्था या शिव भोजनाच्या ठिकाणी महिला वृद्ध आणि लहान मुलांसाठी स्वतंत्र बैठक व्यवस्था ची सोय करण्यात आले असल्याचे अमोल शिंदे यांनी यावेळी सांगितले
