नांदेड मधील त्या घटनेचा निमा संघटनेने केला निषेध

आज सोलापूर निमा शाखेचे वतीने निषेधाचे पत्र मा.जिल्हाधिकारी सोलापूर यांना सुपुर्त करण्यात आले.
विष्णुपुरी,नांदेड येथील डाॅ.शंकरराव चव्हाण वैद्यकीय महाविद्यालय येथे मंगळवारी दि.03.10.23 रोजी,मा.खासदार हेमंत पाटील यांनी,सदरील महाविद्यालयाचे अधिष्ठाता डाॅ.एस्.आर.वाकोडे सर यांना बालरोग कक्षा मधील शौचालय साफ करण्यास सांगीतले.

तसेच समोर ऊभा राहुन याचे मोबाईलवर रेकाॅर्डींग करुन व्हायरल केले गेले.हे कृत्य सर्वच वैद्यकीय सेवा देणार्‍यांसाठी निंदनीय आहे व क्लेशदायक आहे.
याचा निषेध सर्व महाराष्ट्रातून होताना दिसुन येतो आहे.
अपुरा औषधी साठा,अपुरा स्टाफ,अपुरे कर्मचारी या मुळे शासकिय यंत्रणा विस्कळीत असते यात डाॅक्टरांचा कांय दोष ? असा सवाल सर्वत्र ऊठतो आहे.अतिषय क्लेशदायी कृत्य डाॅक्टरांना करायला लावुन शासनाने सर्व वैद्यकीय सेवेची चेष्टा केली आहे. त्यांनी सदर घटनेची माफी मागावी.अन्यथा सबंध महाराष्ट्रातील शासकीय तथा खाजगी रुग्ण सेवा यावर विपरीत परीणाम होईल.आणी मग,याला देखील खासदार साहेब जबाबदार असतील याची नोंद घ्यावी.

सोलापूर येथील निमा संघटनेचे पदाधिकारी व स्टुडंण्ट फोरमचे डाॅक्टरांनी आज मा.जिल्हाधिकारी साहेब यांना भेटून निषेधाचे पत्र दिले.साहेब नसल्याने सदर पत्र बालाजी बनसोडे साहेब ना.तहसिलदार (गृह) यांना दिले. या वेळी डाॅ.विनायक टेंम्बुर्णीकर माजी राष्ट्रीय अध्यक्ष निमा संघटना यांचे मार्गदर्शनाखाली ,सोलापूर शाखेचे अध्यक्ष डाॅ.रविराज गायकवाड,सचिव डाॅ.सचिन बोंगरगी,खजिनदार डाॅ.नागनाथ जिड्डीमनी,स्टुडंण्ट फोरमचे डाॅ.योगेश,डाॅ.अशिश,डाॅ.अक्षय,डाॅ.अमिर यांचे सह अनेक जण ऊपस्थित होते.