सोलापुरातील पहिल्या आयटी पार्कची घोषणा..!

येस न्युज मराठी : सोलापुरातील पहिल्या आयटी पार्कची घोषणा माजी महापौर महेश कोठे तसेच आर्यन ग्रुप ऑफ कंपनीचे चार्टर्ड अकाउंटंट मनोहर जगताप यांनी सोलापुरात केली. 2 ऑगस्ट रोजी डोणगाव रोडवरील महेश कोठे यांच्या 75 एकर जागेमध्ये शरद पवार यांच्या हस्ते या आयटी पार्कचे भूमिपूजन केले जाणार असल्याची माहिती जगताप यांनी दिली. या ठिकाणी आयटीसी संलग्न अशा विविध कंपन्या आणल्या जातील तसेच रोबोट तयार करणारी कंपनी इथे येईल असा विश्वास त्यांनी यावेळी दिला. येत्या सात ते आठ महिन्यात प्रत्यक्ष कंपनी सुरू होईल असे देखील ते म्हणाले.