येस न्युज मराठी नेटवर्क : सोलापूर शहर आणि जिल्ह्यातील नागरिकांना अत्यावश्यक वस्तूंची खरेदी करण्यासाठी आज आणि उद्या अशी दोनच दिवसांची संधी देण्यात आली आहे ती देखील सकाळी सात ते अकरा वाजेपर्यंत. उद्या रात्री आठ वाजल्यापासून ते 15 मे च्या सकाळी 7 वाजेपर्यंत मेडिकल दुकाने, बँका आणि पेट्रोल पंप वगळता सर्व प्रकारची दुकाने कडकडीत बंद राहणार आहेत.सोलापूरचे जिल्हाधिकारी मिलिंद शंभरकर महापालिका आयुक्त पी शिवशंकर जिल्हा परिषदेचे मुख्य कार्यकारी अधिकारी दिलीप स्वामी पोलीस अधीक्षक तेजस्वी सातपुते यांनी संयुक्त पत्रकार परिषद घेऊन हा निर्णय जाहीर केला आहे. या सहा दिवसाच्या लॉकडाऊन मध्ये शहर जिल्ह्यातील सर्व बाजार समित्या, भाजीपाला विक्री, किराणा दुकाने, हॉटेल, रेस्टॉरंट ,बार आधी सर्व प्रकारची दुकाने बंद ठेवावी लागणार आहेत .दूध वितरण केंद्र देखील बंद राहणार असून घरोघरी जाऊन दूध वितरण करण्यासाठी सकाळी सात ते अकरा ही वेळ देण्यात आली आहे. सकाळी दहा ते दोन वाजेपर्यंत बँका सुरू राहतील तसेच पेट्रोल पंपावर अत्यावश्यक सेवेतील कर्मचाऱ्यांना ओळखपत्र दाखवूनच पेट्रोल मिळेल. ज्यांना लसीकरणाला जायचे आहे त्यांच्या मोबाईल मध्ये ऑनलाईन रजिस्ट्रेशन केलेले तसेच ऑनलाईन लसीकरण अपॉइंटमेंट बुकींग केल्याचा मेसेज पोलिसांना दाखवा लागणार आहे. 14 मे रोजी रमजान ईद आहे याबाबत स्वतंत्र आदेश नंतर काढण्यात येईल असे जिल्हाधिकाऱ्यांनी स्पष्ट केले.यामुळे भाजीपाला खरेदी करण्यासाठी हो मैदानावर तसेच विविध भाजी मंड मंडई मध्ये तोबा गर्दी दिसत होती बँकांमध्ये ही गर्दी तसेच किराणा दुकानांमध्ये ही खरेदीसाठी नागरिकांनी एकच गर्दी केली होती. सोलापूर करांनो आज आणि उद्या अत्यावश्यक वस्तूंची खरेदी करा. त्यानंतर सहा दिवस आपल्या घरातच सुरक्षित राहा एवढेच येस न्यूज मराठीचं आवाहन.
