सोलापूर इंडस्ट्रिज असोसिएशन च्या वतीने सोलापूर इंडस्ट्रिज प्रीमिअर लीग 2024 हि स्पर्धा ०७ फेब्रुवारी ते १४ फेब्रुवारी दरम्यान चिंचोळी काटी येथील धर्मराज मंदिराच्या मैदानावर आयोजित करण्यात आले होते. या सोलापूर इंडस्ट्रिज प्रीमिअर लीग 2024 या क्रिकेट स्पर्धेचे विजेतेपद प्रिसिजन परफेक्ट संघाने पटकाविले. त्यांनी अंतिम सामन्यात स्मुर्ती रायझिंग स्टार्स या संघाचा ९ धावांनी पराभव केला, प्रथम फलंदाजी करत प्रिसिजन परफेक्ट संघाने ८१ धावांचे आव्हान दिले होते. स्मुर्ती रायझिंग स्टार्स संघाने ७१ धावांपर्यंत मजल मारली, आणि ९ धावांनी त्यांना पराभव पत्करावा लागला. विजेत्या प्रिसिजन परफेक्ट संघाला विजेतेपदाचे चषक आणि २५ हजार रुपये बक्षीस देण्यात आले. उपविजेत्या स्मुर्ती रायझिंग स्टार्स संघाला चषक आणि १५,००० रुपये बक्षीस देण्यात आले. तृतीय क्रमांकाचे बक्षीस विभागून आर्टिस शिलेदार आणि प्रिसिजन पँथर्स या दोन्ही संघांना देण्यात आले.
एकूण १६ संघ या स्पर्धेत सहभागी झाले होते. या स्पर्धेसाठी बालाजी अमाईन्स लिमिटेड, लक्ष्मी हायड्रोलीक्स प्रायव्हेट लिमिटेड, प्रिसीजन कॅमशाफ्ट लिमिटेड, क्राॅस इंटरनॅशनल आणि थरमॅक्स लिमिटेड अशा पाच कंपन्यांनी प्रायोजकत्व स्वीकारले होते. सह प्रायोजक म्हणून मथुरा ऍग्रो इंडस्ट्री, स्मुर्थी ऑर्ग्यानिक्स लिमिटेड,कोयना शिलाई मशीन, कृष्णा फाब्रिकेशन आणि सिमटेक इंडस्ट्री यांनी सहकार्य केले आहे.
स्पर्धेतील बक्षिसे
फेयर प्ले टीम अवॉर्ड – LHP लायन्स
मैन आफ द सिरीज – महेश फापागीरे (प्रिसिजन)
बेस्ट बॉलर – महेश फापागीरे (११ विकेट)
बेस्ट बॅटस्मन – अभिषेक पवार (एकूण – १८२ रन )
बेस्ट विकेटकीपर – सिद्धाराम लांबतुरे ( ८ डिसमिसल )
बेस्ट फिल्डर – श्रीराम भिसे (एकूण ११ कॅच)
यांनाही बक्षिसे देण्यात आली.
या स्पर्धेचे बक्षीस वितरण सोलापूर इंडस्ट्रिज असोसिएशनचे माजी अध्यक्ष केशव रेड्डी, सचिव – वासुदेव बंग, उपाध्यक्ष गणेश सुत्रावे, खजिनदार कमलेश शहा, सह – सचिवा रामेश्वरी गायकवाड, कार्यकारी सदस्य शिवशंकर आंधळकर,तारासिंग राठोड, फायर ऑफिसर दिनेश अंबोरे यांच्या उपस्थितीत झाले. स्पर्धा यशस्वी करण्यासाठी सोलापूर इंडस्ट्रिज असोसिएशनचे उपाध्यक्ष गणेश सुत्रावे, खजिनदार कमलेश शहा, सह सचिवा- रामेश्वरी गायकवाड, शिवशंकर आंधळकर,तारासिंग राठोड, विनायक दुदगी आणि सुरेश हिटनळ्ळी यांनी परिश्रम घेतले.
