सोलापूर : श्री संगमेश्वर एज्युकेशन सोसायटी संचलित, संगमेश्वर रात्र महाविद्यालय सोलापूर येथे राष्ट्रीय युवा दिन, राजमाता जिजाऊ जयंती, चार हुतात्मा बलिदान दिवस व संस्थेच्या 72 वर्षपूर्ती निमित्त 28 जानेवारी 2025 रोजी शब्दगौरव वक्तृत्व स्पर्धा आयोजित करण्यात आली.
स्पर्धेच्या आयोजनाचे हे तिसरे वर्ष होते. या स्पर्धेचे उद्घाटन संगमेश्वर महाविद्यालय (स्वायत्त)चे प्राचार्य. डॉ. आर. पी. बुवा यांनी केले. अध्यक्षस्थानी संगमेश्वर रात्र महाविद्यालयाचे प्राचार्य डॉ.एस.डी.गोठे यांनी भूषविले. या स्पर्धेमध्ये शहर व जिल्ह्यातील ६१ स्पर्धकांनी आपला उत्स्फूर्त सहभाग नोंदवला. या स्पर्धेमध्ये डॉ. एस. ए. तुपेरे, डॉ. एस. एस. मस्के यांनी परीक्षक म्हणून काम पाहिले. या स्पर्धेत संगमेश्वर ज्युनिअर कॉलेज मधील राजवांदिता धोंडप्पा पाटील(प्रथम क्रमांक) संगमेश्वर ज्युनिअर कॉलेज मधील संगीता रेवप्पा होटगे (द्वितीय क्रमांक), एस.व्ही.सी.एस. ज्युनिअर कॉलेज मधील स्नेहा श्रीकांत उडेशी (तृतीय क्रमांक) तर कालिकामाता ज्युनिअर कॉलेज मधील अन्नपूर्णा करबसाय्या गणेचारी आणि वालचंद ज्युनिअर कॉलेज मधील पद्मा दत्तात्रय मगरूमखाने हिने (उत्तेजनार्थ) पारितोषक पटकावले.
स्पर्धेच्या बक्षीस वितरण कार्यक्रमाला प्रमुख अतिथी म्हणून पुण्यश्लोक अहिल्यादेवी होळकर सोलापूर विद्यापीठाच्या मानव्यविद्या शाखेचे अधिष्ठाता डॉ. व्ही. जी. कोरे हे उपस्थित होते. डॉ. एस. के. गिरी, आणि पी. एस. बसाटे यांनी स्पर्धा यशस्वी होण्यासाठी परिश्रम घेतले. यावेळी घनाते जी. एस, चिकटे के. एन, कोळी आर.एस, फंड जी.एस, शेख. एस. वाय, कुलकर्णी एस. ए, कोरे आर.एस, चांदोडे एस.एम, यांच्या समवेत विद्यार्थी व विद्यार्थिनी बहुसंख्येने उपस्थित होते. या कार्यक्रमाचे सूत्रसंचालन जी.एस घनाते यांनी केले. तर आभार पी.एस.बसाटे यांनी मानले.