सोलापूर : RNA इवेंटस च्या संचालिका राही होमकर यांनी वैदिक वास्तु वर आधारित महावास्तू आचार्य ही वास्तुशास्त्र विषयक पदवी संपादन केली आहे. दिल्ली येथे डॉ. खुशदिप बन्सल यांच्या महावास्तु या संस्थेच्या वतीने हे सहा दिवसीय प्रशिक्षण आयोजित करण्यात आले होते. आजपर्यंत राही होमकर यांनी १०० हुन अधिक लोकांना वास्तुविषयक मार्गदर्शन केलेले आहे.
त्यांनी विना तोडफोड वास्तु, पिरॅमिड अथवा यंत्र किंवा कोणत्याही प्रकारचे प्रॉडक्ट मार्केटिंग न करता, पंचतत्वांना संतुलित करून, घरातील वस्तूंना त्यांच्या योग्य त्या ठिकाणी पुनर्स्थित करून यशस्वी परिणाम – result दिलेले आहेत. त्याच बरोबर वास्तु – एक सनातन विज्ञान या विषयावर योगदानामार्फत आणि व्याख्यानमार्फत जनजागृती करतात.
राही होमकर यांनी २००६ ते २०११ पर्यंत लोकमत सखी मंच च्या कार्यक्रम समन्वयिका म्हणून काम केले त्यानंतर RNA इवेंटस च्या माध्यमातून त्या विविध स्पर्धा, प्रदर्शने, सांस्कृतिक कार्यक्रम यांचे आयोजन सतत करत असतात . त्यासोबतच वास्तुशाश्त्र, अंकशास्त्र, टॅरो कार्ड या च्या माध्यमातून गेली ३ वर्षे त्या मार्गदर्शन करतात. लवकरच सोलापुरात त्या वास्तु विषयक व्याख्यान आणि कार्यशाळेचे आयोजन करणार आहेत.
