येस न्युज मराठी नेटवर्क : डॉक्टर बाबासाहेब आंबेडकर संशोधन व प्रशिक्षण संस्था बार्टी (पुणे),(सामाजिक न्याय व विशेष सहाय्य विभागाचे स्वायत संस्था) यांच्या वतीने आज अक्कलकोट तालुक्यातील जिवाजीराव शिक्षण प्रसारक मंडळ यांचे संचलित प्राथमिक आणि माध्यमिक आश्रम शाळा कोन्हाळी येथे वृक्षारोपण करण्यात आले. बार्टीचे महासंचालक तसेच विभागप्रमुख यांच्या संकल्पनेतून सर्वत्र covid-19 वाढता प्रादुर्भाव व प्राणवायू ऑक्सिजनची पडत असलेली कमतरता आणि वाढत असलेले प्रदूषण पाहतात त्यासाठी फक्त एकच आवश्यक उपाय आहे तो म्हणजे पर्यावरणाचे रक्षण करणे त्या अनुषंगाने संपूर्ण महाराष्ट्र राज्यात ५ जून २३ जून पर्यंत वृक्षारोपण सप्ताह साजरे करण्यात येत आहे. त्याचे औचित्य साधून बार्टी कार्यालयाचे प्रकल्प अधिकारी यांच्या मार्गदर्शनाखाली अक्कलकोट तालुक्याचे समतादूत नालंदा शिंदे यांच्या नियोजनातून आज कोन्हाळी आश्रम शाळा येथे संस्थेचे अध्यक्ष आनंदराव जाधव सचिव रमेश गायकवाड यांच्या हस्ते वृक्षारोपण करण्यात आले तसेच या कार्यक्रमासाठी संस्थेचे सदस्य उमेश गायकवाड मुख्याध्यापक,राजेश चांगले व हडपद तसेच बनसोडे, जामगे,गड्डीकर, सोनकवडे, कलाल इतर कर्मचारी वृंद उपस्थित होते कार्यक्रमाच्या अंती मान्यवरांनी वृक्ष संगोपनाची ग्वाही दिली व बार्टीच्या पुढील कार्यात कार्यास शुभेच्छा दिल्या
