पंकजाताई आमच्या नेत्या, त्यांना पक्षातीलच एक गट बदनाम करतोय.. प्रदेशाध्यक्ष चंद्रशेखर बावनकुळे

गेल्या काही दिवसांपासून पंकजा मुंडेंसह पक्षाची बदनामी करणारे काही लोक आमच्याच पक्षात आहेत, असा गौप्यस्फोट भाजप प्रदेशाध्यक्ष चंद्रशेखर बावनकुळे यांनी केला आहे.काल बीडमधील भाजपच्या कार्यक्रमाची एक व्हिडिओ क्लिप व्हायरल झाली होती. त्यानंतर बावनकुळेंनी हे वक्तव्य केलेआहे.
बावनकुळे म्हणाले, भाजपमध्ये पंकजाताईंना आणि पक्षाला बदनाम करणारी एक युनिट आहे. ती अशाप्रकारची कामे करते. उलट कालच्या माझ्या संपूर्ण प्रवासात माझ्यानंतर त्या बोलल्या. मी त्यांना प्रथम स्थान दिले.
यावेळी पंकजा मुंडे यांच्या संदर्भात प्रश्न विचारला असता त्यांनी हा आरोप केला. बावनकुळे म्हणाले, पंकजा मुंडे या आमच्या नेत्या आहेत, भाजपच्या राष्ट्रीय सचिव आहेत, त्यामुळे त्यांना भाषणाची संधी देणे हे माझे कर्तव्यच आहे. पण त्यांच्या नाराजीच्या बातम्या पक्षातीलच एका गटाकडून सातत्याने पसवल्या जात आहेत.
त्या नाराज नाहीत, हे त्यांनी वारंवार स्पष्ट करून देखील पुन्हा तोच विषय समोर आणला जातो. यातून पंकजा आणि भाजपला बदनाम करण्याचा प्रयत्न एक गट करतो आहे. राज्यातील राजकीय परिस्थिती पाहता सरकारच्या अस्तित्वाबद्द प्रश्न उपस्थितीत केले जात आहेत? यावर ठाकरे गटाकडून आणि विरोधकांकडून अशा अफवा पसरवल्या जात आहेत.