सोलापूर : सोलापूर शहरात भारतीय राष्ट्रीय महामार्ग प्राधिकरणाच्या माध्यमातून दोन उड्डाणपूल प्रस्तावित आहेत . यासाठी केंद्रीय मंत्री नितिन गडकरी यांनी एक हजार कोटी रुपयांचा निधी देखील मंजूर केला आहे. मात्र महापालिकेकडून भूसंपादन होत नाही यासाठी गेल्या चार वर्षापासून हे उड्डाणपूल फक्त हवेतच राहिले आहेत. महापालिका आयुक्त पी शिवशंकर यांनी मात्र या दोन्ही उड्डाण पुलासंदर्भात सकारात्मकता दर्शविली आहे. थोडी रुंदी कमी करून भूसंपादन शिवाय हे उड्डाणपूल करण्याबाबत त्यांनी बैठक घेतली असून लवकरच नॅशनल हायवे अथोरिटी ने टेंडर काढावे अशा सूचना आयुक्तांनी दिले आहेत त्यामुळे शहरातील दोन्ही उड्डाणपूल होण्याबाबत पुन्हा आशा निर्माण झाली आहे
