येस न्युज मराठी नेटवर्क : विजापूर नाका पोलीस ठाण्याच्या डी. बी. पथकाने एका अल्पवयीन मुलाकडून ताब्यातून एक मोटारसायकल व मोबाईल हस्तगत करण्यात यश मिळवले आहे. १७ मे रोजी सैफुल ते सुरेगाव दरम्यान पेट्रोलिंग चालू असताना ए. जी. पाटील कॉलेजसमोर एका झाडाखाली अल्पवयीन मुलगा मोटारसायकल घेऊन थांबल्याचे आढळून आले. नंतर हा मुलगा पोलिसांना पाहून सोरेगाव च्या दिशेने जात असताना पोलिसांनी पाठलाग करून त्याला थांबवले व विचारपूस केली. गाडीच्या हेडलाईट चे कव्हर तुटलेले दिसल्यामुळे त्याला अधिक विश्वासात घेऊन विचारले असता या मुलाने डिसेंबर महिन्यात ही मोटरसायकल इंचगिरी मठासमोरून चोरल्याचे स्पष्ट केले . त्यानंतर विजापूर नाका पोलीस ठाण्यात मोटरसायकल चोरीबाबतची खातरजमा केल्यानंतर एक मोबाईल देखील चोरीला गेल्याचे स्पष्ट झाले . या अल्पवयीन मुलाने नंतर दोन्ही अमोल करून मोबाईल देखील काढून दिला. ही कामगिरी वरिष्ठ पोलीस निरीक्षक उदयसिंह पाटील, सहाय्यक पोलीस निरीक्षक शीतलकुमार कोल्हाळ, डी. बी. पथकातील सहाय्यक फौजदार संजय मोरे आदींनी केली आहे.
