सोलापूर, दि. 12 जानेवारी- श्रीराम जय राम जय जय राम, जय बजरंग जय हनुमानाच्या जयघोषात करीत विश्वशक्ती बहुउद्देशीय संस्था व वेणुगोपाल नगर चॅरिटेबल ट्रस्टच्यावतीने यांच्या संयुक्त विद्यमाने मंगल कलश अक्षता शोभायात्रा व दिंडी सोह्ळ्याचे आयोजन करण्यात आले होते. नागेंद्र नगर येथील देवी मंदिरापासून शोभायात्रा काढण्यात आली.
या शाभायात्रेमध्ये भाजप अध्यत्र नरेंद्र काळे, सभागृह नेते शिवानंद पाटील, तरूण भारतचे माजी संपादक विजयकुमार पिसे यांची प्रमुख उपस्थिती होती.
श्रीराम जन्मभूमी मंदिरात प्राणप्रतिष्ठापना सोहळा 22 जानेवारीला होत आहे. या पार्श्वभूमीवर विश्वशक्ती बहुउद्देशीय सामाजिक संस्था व वेणुगोपाल नगर चॅरिटेबल ट्रस्टच्यावतीने नागेंद्र नगर येथील देवी मंदिरात विविध धार्मिक कार्यक्रमासह मंगल अक्षता कलश पूजन व शोभायात्रेचे आयोजन आयोजन करण्यात आले होते. शोभायात्रेत शाळकरी मुले, लेझीम पथक, वारकरी, डोक्यावर कलश घेऊन महिलांही मोठ्या संख्येने सहभागी झाल्या होत्या. यात्रेतील सहभागी रामभक्तांकडून जय श्रीरामचा जयघोष सुरू होता.
या यात्रेत रामभक्त हनुमानाच्या वेषातील चिमुकल्याने सर्वांचे लक्ष वेधून घेतले. याप्रसंगी भाजप प्रदेश सहसंयोजक रवी भवानी, हिंदू राष्ट्रसेनेचे रवी गोणे, दक्षिण इंडियन आघाडी शहर अध्यक्ष नरसिंग सरला, गिरिश बत्तुल, शिवानंद कल्लुरकर, सॉवरवस कुमावत, सरचिटणीस विजय महिंद्रकर, उपाध्यक्ष सिद्राम तट्टे, सरचिटणीस रवी दुस्सा, इरेश क्यातम, कृष्णहरी क्यातम, दामोदर अन्नलदास, श्रीनिवास पामू, तिम्मप्पा कैचीगुंडी, यांच्यासह पंढरपूर येथील हरेराम हरेकृष्णचे सेवेकरी, भाजप व शिवसेनेचे कार्यकर्ते मोठ्या संख्येने सहभागी झाले होते.
