परभणी – लिंगायत धर्माला संविधानिक मान्यता मिळावी व राष्ट्रीय स्तरावर अल्पसंख्याक दर्जा मिळावा या मागणीसाठी रविवार दिनांक 24 ऑक्टोंबर 2021 ला अखिल भारतीय लिंगायत समन्वय समितीच्या वतीने परभणी लिंगायत धर्म महामोर्चा काढण्यात येणार असल्याची माहिती प. पू.गुरु चन्नबसवानंद महास्वामीजी बेंगलोर यांनी माहेर मंगल कार्यालय येथे लिंगायत समन्वय समितीच्या राज्यस्तरीय बैठकीत जाहीर केले. परभणी येथे होणाऱ्या लिंगायत महामोर्चास महाराष्ट्र, कर्नाटक, आंध्र, तेलंगणा मधून लाखो लिंगायत समाज येणार असून ५० हून अधिक लिंगायत धर्मगुरू मोर्चात सहभागी होणार आहेत.
१) कर्नाटक सरकारच्या धर्तीवर महाराष्ट्र सरकारने त्वरीत लिंगायत धर्माला मान्यता देवून केंद्र सरकारला शिफारस पाठवावे.
२) लिंगायतांना अल्पसंख्याक दर्जा जाहिर करावा.
३) २०२१ मध्ये होणाऱ्या भारताच्या राष्ट्रीय जनगणनेत लिंगायत धर्माच्या लोकसंख्येची स्वतंत्र नोंद होण्यासाठी सरकारने लोकसंख्या पारपत्रामध्ये विशिष्ट स्वरूपात नोंदीची व्यवस्था करावी.
4) महात्मा बसवेश्वर आर्थिक विकास महामंडळ स्थापन करावे.
5) सोलापूर जिल्ह्यातील मंगळवेढा येथे महात्मा बसवेश्वर आंतरराष्ट्रीय स्मारक उभारण्यात यावे. अशी आग्रही मागणीकरिता सरकारला जागे करण्याकरिता महामोर्चा काढण्यात येणार आहे.
यावेळी लिंगायत समन्वय समितीचे राष्ट्रीय निमंत्रक अध्यक्ष अविनाश भोसीकर, परभणी जिल्हा परिषद सदस्य तथा शिवसेनेचे ज्येष्ठ नेते प्रभाकर(दादा)वाघीकर यांच्या अध्यक्षतेखाली जि.प. शिक्षण मंडळ सभापती गंगाप्रसाद आनेराव , लिंगायत समन्वय समितीचे राज्य महासचिव तथा माजी परिवहन सभापती विजयकुमार हत्तुरे (सोलापूर) लिंगायत समन्वय समितीचे तथा नगरसेवक प्रदीप बुरांडे (औरंगाबाद) ,जालना प. स. सदस्य बबलू भाऊ सातपुते आदींची प्रमुख उपस्थिती होती . परभणी राष्ट्रवादी काँग्रेसचे शहराध्यक्ष किरण सोनटक्के सर ,प्रहार संघटनेचे जिल्हाध्यक्ष शिवलिंग बोधने ,काँग्रेस सेलू शहराध्यक्ष तथा नगरसेवक विनोद तरटे ,बसव ब्रिगेड बीड जिल्हाध्यक्ष विनोद पोखरकर ,प्रा.एस व्ही.शेटे सर,प्रा. डॉ.हुलसुरे सर,उदगीर चे किशोर बिराजदार-पाटील , दिगंबर भालके नांदेड बसव बिग्रेडचे जिल्हा अध्यक्ष डॉ.व्यंकट कुऱ्हाडे,पिंटू बोंबले यांच्यासह अनेक लिंगायत नेते राज्यभरातील पदाधिकारी उपस्थित होते.
या बैठकीचे सूत्रसंचालन प्रा.शिवा सोनटक्के तर आयोजक कीर्तीकुमार बुरांडे यांनी केले व कार्यक्रम यशस्वीपणे पार पाडण्यासाठी प्रा. विलास साखरे सर, अमोल लांडगे सर,बसव ब्रिगेड चे परभणी जिल्हा अध्यक्ष गजानन भस्के, शिवप्रसाद लोखंडे, मिलिंदापा बुरांडे, शिवाजी भालेराव सर, प्रा.विकास येस्के सर, नारायण निलेंगे सर,नांदेड शहर प्रवक्ता बसव ब्रिगेडचे वीरभद्र विभुते आणि लिंगायत समन्वय समितीच्या पदाधिकारी यांनी परिश्रम घेतले..