दक्षिण सोलापूर : दरवर्षी उन्हाळ्यात सामजिक कार्याचे भान ठेऊन एम के फाउंडेशनचे संस्थापक अध्यक्ष महादेव कोगनुरे यांनी स्वखर्चाने पाणपोई सुरू करत असतात. यंदाही मंगळवारी (दि.१९) तापमानात वाढ होत असताना तहानलेल्या सोलापूरकरांसाठी जागोजागी पाणपोई केंद्र सुरु करण्यास प्रारंभ करण्यात आला.
मंगळवारी सोलापुरातील सैफूल व हत्तुरे वस्ती भागात नागरिकांना थंड पाणी मिळावे म्हणून एम. के. फाउंडेशन
च्यावतीने पाणपोई केंद्र सुरु केले आहे. नेहमीच सामजिक कार्यात अग्रेसर असणारी एम. के. फाउंडेशन यंदा तीव्र उन्हाळ्यात सामाजिक सेवेचा भाव जपत वाटसरूंना पिण्याचे पाणी उपलब्ध करुन देत आहे. परिणामी एम. के. फाउंडेशनच्या कामाचे सर्वत्र कौतुक होत आहे. भर उन्हाळ्यात रस्त्यावरून जाणाऱ्या व्यक्तींना पाणपोई दिसली की क्षणभर विश्रांती घेऊन घोटभर पाणी पिऊन नंतरच पुढचा मार्ग धरावा लागतो. पाणपोई हा एक सामजिकb उपक्रम आहे.
आजकाल बहुसंख्य ग्रामीण भागातील नागरिक शहरी भागात येत असतात त्यांची विकत पाणी घेऊन पिण्याची परिस्थिती नसते. त्यामुळे हे लोक पाण्यासाठी हॉटेल, चहाच्या टपरीचा आधार घेत असतात. अशा माणसांना पाणपोई हे एक आधार देण्याचे काम करीत असते. म्हणूनच भर उन्हाळ्यात सर्व सामान्य माणसांची गरज ओळखून एम. के. फाउंडेशन च्या वतीने शहरातील विविध भागात पाणपोई केंद्र सुरु करण्यात येत असल्याचे एम. के. फाउंडेशनचे संस्थापक अध्यक्ष महादेव कोगनुरे यांनी सांगितले. पाणपोई केंद्राच्या प्रारंभ प्रसंगी एम. के. फाऊंडेशनचे संचालक, सदस्य व बहुसंख्य प्रतिष्ठित मान्यवर उपस्थित होते.
