येस न्युज मराठी नेटवर्क : सोलापूर शहरात नव्याने होणाऱ्या उड्डानपुलामुळे छत्रपती शिवाजी महाराजांच्या पुतळ्याचे सुशोभिकरण करणे आहे, छत्रपती शिवाजी महाराज हे अखंड हिंदुस्थानाचे प्रेरणा स्त्रोत आहेत. त्यांचा पुतळा संभाजी नगरच्या धर्तीवर सोलापूरात बनवावा ही सर्व शिवभक्तांची भावाना आहे.
सोलापूरातील सिव्हील हॉस्पिटलला छत्रपती शिवाजी महाराज सर्वोपचार रुग्णालय, सोलापूर असे नाव असून तेथे सुध्दा सिन्हासनावरील छत्रपती शिवाजी महाराजांचा पुतळा व्हावा जेणे करुन रुग्णांच्या नातेवाईकांना अडचणीच्या काळात छत्रपती शिवाजी महाराजांची प्रेरणा मिळत राहील. पुतळा व त्या परिसराचे सुशोभिकरण व्हावे.
तसेच जिल्हा आरोग्य केंद्राकडून नव्याने होत असलेल्या महिला रुग्णालयास राष्ट्रमाता जिजाऊ माँसाहेब महिला रुग्णालय असे नामकरण व्हावे या तिन्ही मागण्यांसाठी समिती स्थापन करुन शहरातील प्रत्येक मंडळातील प्रमुखांना एकत्रित करुन हे कार्य करायचे आहे.
महाराष्ट्र राज्यात असलेले राज्य सरकार हे छत्रपती शिवाजी महाराजांच्या विचाराचे सरकार आहे. म्हणून आम्हाला खात्री आहे. समितीने केलेल्या या तिन्ही मागण्या राज्याचे मुख्यमंत्री मा. ना. एकनाथजी शिंदे साहेब, राज्याचे उपमुख्यमंत्री मा. ना. देवेंद्रजी फडणवीस साहेब, राज्याचे आरोग्यमंत्री मा. ना. तानाजीराव सावंत साहेब, तसचे राज्याचे वैद्यकीय शिक्षणमंत्री मा.ना. गिरीषजी महाजन साहेब व जिल्हातील सर्वच राजकीय पक्षाचे नेते, खासदार, आमदार यामध्ये लक्ष देऊन या मागण्या पूर्ण करण्या करीता प्रामाणिक प्रयत्न करतील अशी अपेक्षा आहे.
छत्रपती शिवाजी महाराज स्मारक समिती कडून या पुढील काळात छत्रपती शिवाजी महाराज व छत्रपती संभाजी महाराज यांच्या पुतळ्यास पुष्पाहार अर्पण कार्यक्रम समितीकडून दररोज करण्यात येणार असून तरी ही समिती सोलापूर शहारातील विविध सामाजिक प्रश्नवार एकत्रित येऊन भविष्यामध्ये सर्व शिवभक्त, शंभूभक्त व सर्वच महापुरुषांच्या बाबतीत जे काही सामाजिक प्रश्न असतील त्यावर काम करणार आहे. या समिती मध्ये निमंत्रक म्हणून ११ पदाधिकारी व सदस्य म्हणून १०० प्रमुख पदाधिकारी असतील. या उपर सुध्दा ज्या शिवभक्तांना या समितीमध्ये कार्य करायचे असल्यास समाविष्ठ करुन घेण्यात येईल. सर्वांना एकत्रीत घेऊन या प्रमुख मागण्यासह पुढील काळामध्ये कार्य करण्यात येईल.
