सोलापुरातील सर्व प्रमुख गृह प्रकल्पांची माहिती मिळणार
सोलापूर – क्रेडाई सोलापूर आयोजित प्रॉपर्टी एक्स्पो २०२४ चे शुक्रवारी जिल्हाधिकारी कुमार आशीर्वाद यांच्या हस्ते थाटात उदघाटन झाले. याप्रसंगी क्रेडाई नॅशनल चे उपाध्यक्ष सुनील फुरडे अध्यक्षस्थानी तर कोठारी ग्रुप चे व्यवस्थापकीय संचालक उज्वल कोठारी व एचडीएफसी बँकेचे बिझनेस डेव्हलपमेंट विभागाचे असिस्टन्ट व्हाईस प्रेसिडेंट अमोल वायल , कालिका स्टीलचे रुपेशजी बागडिया यांची प्रमुख उपस्थिती होती . यावेळी मंचावर अध्यक्ष अभय सुराणा, माजी अध्यक्ष शशिकांत जिद्दीमनी , उपाध्यक्ष अभिनव साळुंखे, प्रदर्शनाचे समन्वयक व उपाध्यक्ष आनंद पाटील, खजिनदार राजीव दीपाली, सह सचिव संकेत थोबडे उपस्थित होते. कोठारी प्लम्बिंग पाईप्स हे मुख्य प्रायोजक असून एचडीएफसी बँक व कलाकार स्टील हे सह प्रायोजक आहेत.
५ फेब्रुवारी पर्यंत प्रदर्शन
प्रारंभी जिल्हाधिकारी कुमार आशीर्वाद यांच्या हस्ते फीत कापून प्रदर्शनाचे उदघाटन करण्यात आले.
क्रेडाई नॅशनलचे उपाध्यक्ष सुनील फुरडे याप्रसंगी बोलताना म्हणाले की, इज ऑफ डूइंग बिजनेस प्रत्यक्षात आढळत नाही. सोलापूरच्या विकासामध्ये योगदान देणाऱ्या बिल्डर्सना शासकीय अधिकाऱ्यांकडून प्रत्यक्षामध्ये सहकार्य मिळत नाही.
चांद अच्छा था अब डाग दिखने लगे
घर ताब्यात मिळेपर्यंत ग्राहकाची अवस्था ” मोहब्बत थी तब तक चांद अच्छा था” अशी असते. परंतु घर ताब्यात मिळाल्यानंतर ” मोहब्बत ना रही तब डाग दिखने लगे ” , असे होत असल्याचे फुरडे यांनी सांगितले. सोलापुरातील बिल्डर हा कायदे पाळून काम करणारा असल्याचे त्यांनी स्पष्ट केले.
अध्यक्ष अभय सुराणा यांनी स्वागत व प्रास्ताविक केले तर सचिव सचिव संतोष सुरवसे यांनी आभार मानले . सूत्रसंचालन ऐश्वर्या हिबारे यांनी केले. याप्रसंगी क्रेडाई सोलापूर शाखेचे समिती सदस्य उमेश लोलगे, जयंत होले -पाटील, गौरीशंकर रुग्गे , माउली झांबरे , चंद्रशेखर अक्कलकोट , अनिल तेल्लुर , रोहन नागणसुरे, युवराज चुंबळकर , संजय तोष्णीवाल यांच्यासह माजी अध्यक्ष राजेंद्र शाह, प्रदीप पिंपरकर , शिरीष गोडबोले, नंदकिशोर मुंदडा , प्रियदर्शन शाह , समीर गांधी, गुरुराज येल्लटी , अविनाश बच्चूवार , व सदस्य सर्वश्री राजेश गांधी, वेदांत मुंदडा, जिगर पटेल, प्रमोद हिंगे,संजय पटेल,राजू मिनजगी आदी उपस्थित होते . क्रेडाईच्या वुमेन्स विंगच्या माधुरी मुंदडा, दिपाली गांधी, रूपा सुराणा, मनीषा शहा या प्रदर्शनात शहरातील विविध भागातील बंगलो, फ्लॅट्स , रो- हाऊसेस, शॉप्स, प्लॉट्ससह बांधकाम मटेरियल सप्लायर्स यांनी आपले ५० स्टॉल उभारले आहेत. गृहकर्ज देणाऱ्या वित्तीय संस्थांनी स्टॉल्सद्वारे माहिती उपलब्ध केली आहे.
वित्तीय संस्थांचेही स्टॉल
हे प्रदर्शन सोमवार दि. ५ फेब्रुवारी पर्यंत दररोज सकाळी १० ते रात्री च ८ पर्यंत नॉर्थकोटच्या मैदानावर आयोजित करण्यात आले आहे. डोम आकाराच्या मंडपात, स्टॉल्स ची आकर्षक उभारणी , धुळीपासून संरक्षण देण्यासाठी संपूर्ण आच्छादित असल्याने हे प्रदर्शन सोलापूरकरांना नक्कीच आवडेल, असा विश्वास अध्यक्ष अभय सुराणा यांनी व्यक्त केला.
