येस न्युज मराठी नेटवर्क : नाशिकच्या रामकुंडाचा काया पालट होणार असून अयोध्या, वाराणसी आणि हरिद्वारच्या धर्तीवर आता नाशिकच्या गोदावरी नदीची देखील रोज महाआरती होणार आहे. यासाठी केंद्र सरकारकडून पाच कोटी रुपयांचा निधी मंजूर झाला आहे. पंचायतम सिद्धपीठमचे महंत अनिकेत शास्त्री यांनी मंत्री सुधीर मुनगंटीवार यांच्याकडे याबाबत पाठपुरावा केला होता. त्यामुळे अखेर गोदावरी नदीवर महाआरती करण्यासाठी निधी मंजूर झाला आहे.
गंगा नदीची पवित्र नदी म्हणून ओळख आहे. गंगा नदीला मोठं धार्मिक महत्त्व देखील प्राप्त आहे. त्याचप्रमाणे नाशिक शहरातून वाहणाऱ्या गोदावरी नदीला देखील दक्षिण भारताची गंगा म्हणून ओळखले जाते. गोदावरी नदी देखील गंगा नदीप्रमाणेच धार्मिक महत्त्व प्राप्त असलेली एक महत्त्वाची नदी आहे. नाशिकमध्ये कुंभमेळा देखील भरत असतो आणि याठिकाणी देशभरातील भाविक आणि अनेक नागरिक अस्ती विसर्जनासाठी येत असतात गोदावरी नदीला अनन्य साधारण महत्व देखील प्राप्त आहे . त्यामुळेच आता गंगेप्रमाणे नाशिकच्या रामकुंड परिसरात रोज महाआरती होणार आहे. तर या महाआरतीसाठी सरकारकडून आता निधी मंजूर करण्यात आला आहे.
या महाआरतीसाठी सरकारकडून पाच कोटी रुपयांचा निधी मंजूर करण्यात आला आहे. लवकरच या संदर्भात आराखडा तयार करून आरतीला सुरुवात केली जाणार असल्याची माहिती मिळाली आहे.नाशिकचे महंत अनिकेत शास्त्री महाराज यांनी सांस्कृतिक मंत्री सुधीर मुनगंटीवार यांच्याकडे याबाबत पाठपुरावा केला होता. त्यामुळे अखेर गोदावरी नदीवर महाआरती करण्यासाठी निधी मंजूर झाला आहे. त्यानुसार रामकुंड परिसरात रोज महाआरती होणार आहे.
गंगा आरती पाहण्यासाठी भारतातूनच नव्हे तर परदेशातूनही लोक येतात. पर्यटकांसाठीही ही आरती एक आकर्षणाचा विषय आहे. एवढेच नाही तर गंगा आरती भक्तीभावासह पर्यटकांसाठी पर्यटनाचा एक विशेष भाग देखील आहे असं म्हटलं तर वावग ठरणार नाही.कारण अनेक पर्यटक अयोध्या, वाराणसी आणि हरिद्वार या ठिकाणी खास गंगा आरती पाहण्यासाठी, अनुभवण्यासाठी हजेरी लावत असतात. त्याच धर्तीवर नाशिकमध्ये गोदावरी नदीची देखील रोज महाआरती होणार आहे. या निमित्ताने नाशिकच्या पर्यटनाला देखील चालना मिळू शकते असा आशा वाद काही नागरिकांकडून व्यक्त करण्यात येत आहे.
