श्री स्वामी समर्थ विद्या विकास प्राथमिक शाळा, कुंभारी येथे आज 26 जानेवारी प्रजासत्ताक दिनानिमित्त ध्वजारोहण कार्यक्रम देशभक्तीपर वातावरणात मोठ्या उत्साहाने संपन्न झाला.
सदरील कार्यक्रमास प्रमुख पाहुणे म्हणून पीएसआय श्रीराम मुद्दे ,ॲक्सिस बँकेचे सीनियर मॅनेजर भगवान बनसोडे, ब्युटीशियन राजश्री कोले तसेच शाळा व्यवस्थापन समितीचे प्रदीप स्वामी, संस्थेचे अध्यक्ष सचिव स्वामीराव शिंदे , शाळेच्या मुख्याध्यापिका मायादेवी शिंदे इत्यादी मान्यवर उपस्थित होते.
प्रथमतः प्रमुख पाहुणे व अध्यक्षांच्या हस्ते राष्ट्रपिता महात्मा गांधी यांच्या प्रतिमेचे पूजन करून ध्वजारोहण करण्यात आले व संविधानाचे वाचन करण्यात आले .
याप्रसंगी प्रमुख पाहुणे,अध्यक्षांचे मुख्याध्यापकांच्या हस्ते शाल श्रीफळ,पुष्पगुच्छ देऊन सन्मान करण्यात आला. विद्यार्थ्यांचे भाषण, देशभक्तीपर गीते व नृत्य सादरीकरण, शिक्षक मनोगत यामुळे सर्वजण देशभक्तीने,देशप्रेमाने भारावून गेले होते. आपण सर्व एक आहोत ही समानतेची, बंधुत्वाची, सर्वधर्मसमभावाची प्रेरणा या कार्यक्रमातून सर्वांना मिळाली. कार्यक्रम प्रसंगी क्रीडा स्पर्धेतील विजेते विद्यार्थ्यांना प्रमुख पाहुणे व अध्यक्षांच्या हस्ते प्रशस्तीपत्र देण्यात आले.
विडी कामगार, यंत्रमाग कामगार,गरीब शेतमजूर यांच्या मुलांना शिक्षणाची खरी गरज…
बनसोडे यांनी आपल्या मनोगतात विडी कामगार, यंत्रमाग कामगार,गरीब शेतमजूर यांच्या मुलांना शिक्षणाची खरी गरज आहे हे ओळखून या अशा माळरानावर शाळेकडून मोफत ज्ञान देण्याचे कार्य केले जाते याबाबत शाळेचे मुख्याध्यापकांचे व शिक्षकांचे कौतुक केले, तसेच विद्यार्थ्यांचे विविध कलाविष्कार पाहून विद्यार्थ्यांचेही कौतुक केले.
राजश्री कोले यांची विद्यार्थ्यांना मोफत शालेय दप्तरे देण्याची घोषणा
राजश्री कोले यांनी मार्गदर्शन करून त्यांच्याकडून शाळेतील विद्यार्थ्यांना मोफत शालेय दप्तरे देण्याची घोषणा केली. अशाप्रकारे अगदी उत्साहाने एकमेकांच्या सहकार्याने कार्यक्रम अगदी थाटामाटात पार पडला व कार्यक्रमाचा शेवट खाऊ वाटपाने झाला.
याप्रसंगी शाळेच्या मुख्याध्यापिका मायादेवी शिंदे यांनी प्रास्ताविक सादर केले. शशिकांत पाटील यांनी उत्कृष्टरित्या सूत्रसंचालन केले, तर सर्व मान्यवरांचे, पालकांचे आभार अश्विनी गजधाने यांनी मानले.
स्वरूपाराणी सुरवसे , सुषमा वाघमोडे , मोहन चाकुरे , श्रीकांत माळवदकर,रजिया शेख,अमृता स्वामी ,गेनबाई स्वामी सर्व शिक्षक कर्मचाऱ्यांच्या सहकार्याने कार्यक्रम नियोजनबद्ध व्यवस्थित पार पडला.
