सोलापूर : डॉक्टर वैंशपायन शासकीय मेडिकल कॉलेजचे नवे अधिष्ठाता डॉक्टर सुधीर देशमुख यांनी सोमवार 16 जानेवारी रोजी पदभार घेतला दरम्यान शुक्रवारी पत्रकार यांनी त्यांची भेट घेऊन त्यांचे सोलापुरात स्वागत केले.
पत्रकारांशी बोलताना डॉ सुधीर देशमुख म्हणाले, मी या चार दिवसांमध्ये संपूर्ण सिव्हिल हॉस्पिटल शासकीय वैद्यकीय महाविद्यालय याची पाहणी केली आहे.
सिव्हील हॉस्पिटलची स्वच्छता, कामकाजात वक्तशीरपणा व वैंशपायन मेडिकल कॉलेजमधील शिक्षणाचा दर्जा सुधारण्यावर माझा भर राहील. मेडिकल कॉलेजमधील शिक्षणाचा दर्जा सुधारला तर वैद्यकीय सेवा आपोआप सुधारेल असे मत त्यांनी व्यक्त केले.
डॉ देशमुख हे मूळ नांदेड येथील असून अंबेजोगाई येथील मेडिकल कॉलेजमध्ये त्यांचे शिक्षण झाले तिथेच ते सहाय्यक प्राध्यापक, सहयोगी प्राध्यापक, साडे पाच वर्षे अधिष्ठाता , नंतर 1 वर्ष नांदेड येथे अधिष्ठाता, लातूर येथे अधिष्ठाता आता ते सोलापूर वैद्यकीय महाविद्यालयात अधिष्ठाता म्हणून आले आहेत.
