संविधान दिनानिमित्त महापालिकेच्या वतीने डॉक्टर बाबासाहेब आंबेडकरांच्या पुतळ्याला अभिवादन

सोलापूर – सोलापूर महानगरपालिकेच्या वतीने दि. २६ नोव्हेंबर संविधान दिवसानिमित्त , डॉ.बाबासाहेब आंबेडकर चौक, (पार्क चौक) येथील डॉ. बाबासाहेब आंबेडकर पुतळ्यास तसेच डॉ. बाबासाहेब आंबेडकर अस्थिविहार (प्रेरणाभुमी) येथे सोलापूर महानगरपालिकेचे अतिरिक्त आयुक्त संदीप कारंजे यांच्या हस्ते पुष्पहार अर्पण करून अभिवादन करण्यात आले. तदनंतर सोलापूर महानगरपालिकेचे अतिरिक्त आयुक्त संदीप कारंजे यांच्या समवेत सर्व अधिकारी व कर्मचारी यांनी सामूहिकरीत्या संविधान वाचन केले. याप्रसंगी विभागीय अधिकारी महबूब शेख, कामगार कल्याण व जनसंपर्क अधिकारी विठ्ठल कस्तुरे,क्रीडा अधिकारी श्रीकांत घोलप, प्रकाश सावंत,विक्रम पाटील, एजाज शेख,सुशील सरवदे,शुभम सोनकांबळे, सचिन पोरे सिद्धू तिमीगार आदी मान्यवर उपस्थित होते.