सोलापूर : वीरशैव व्हिजन व सोलापूर हेल्पलाइन तर्फे श्री तुळजाभवानी मातेच्या दर्शनासाठी पायी चालत जाणाऱ्या भाविकांसाठी जुना तुळजापूर नाका येथील मड्डी वस्ती येथे 11 हजार पाणी बाटल्यांचे वाटप करण्यात आले.
पाणी बाटली वाटपाचा शुभारंभ भक्त जोडभावी पेठ पोलीस ठाण्याच्या पोलीस उपनिरीक्षक संजीवनी व्हट्टे यांच्या हस्ते उद्योजक भीमाशंकर करजगीकर, अडत व्यापारी मारुती बिराजदार, सोलापूर हेल्पलाइनचे संचालक राहुल शेटे यांच्या उपस्थितीत करण्यात आला. या उपक्रमाचे यंदाचे चौथे वर्षे होते. विशेष म्हणजे पाण्याची बाटली थंड करून देण्यात आली.
या उपक्रमासाठी योगेश सोपल (बार्शी), डॉ. मेजर आरुषा नंदीमठ, सचिन कुबडे (मुंबई), संतोष निलावर (लातूर), शिल्पा कुलकर्णी (पुणे), रुपेश भादुले (पुणे), अतुल गायकवाड, महेश शिंदे(मोहोळ) अभिषेक इरांडे (पुणे), महेश घुले, धानेश सावळगी, स्वराज राजोपाध्ये (पुणे), महादेव आगळे (बार्शी), अमोल जाधव (सांगली), दिलीप कुलकर्णी (पुणे) यांचे मोलाचे सहकार्य लाभले.
यावेळी तिरुपती इंटरप्राईजचे महेश शिंदे, वीरशैव व्हिजनचे संस्थापक अध्यक्ष राजशेखर बुरकुले, उत्सव समिती अध्यक्ष चिदानंद मुस्तारे सचिव नागेश बडदाळ, सहकोषाध्यक्ष विजयकुमार बिराजदार, युवक आघाडीचे उपाध्यक्ष सोमनाथ चौधरी, संतोष स्वामी आणि गंगाधर झुरळे उपस्थित होते.
