धर्मशाला : धर्मशालात सुरु असलेल्या सामन्यात इंग्लंडने बांगलादेशविरुद्ध 364/9 अशी मजल मारली. सलामीवीर डेव्हीड मलानने दमदार शतकी खेळी करताना 140 धावांचा पाऊस पाडला. ज्यो रूटने 82 धावा केल्या. दोघांनी दुसऱ्या विकेटसाठी 151 धावा जोडल्या. तत्पूर्वी, बांगलादेशने इंग्लंडला प्रथम फलंदाजी दिल्यानंतर जॉनी बेअरस्टो आणि मलान यांनी दमदार सुरुवात करून दिली. त्यांनी सलामीच्या विकेटसाठी 115 धावा केल्या. शकीब अल हसनने बेअरस्टोला बाद केले.
बांगलादेशने अखेरच्या 10 षटकांत काउंटर केल्याने इंग्लंडला केवळ 68 धावा जोडता आल्या आणि सात विकेट गमावल्या. महेदी हसनने 8 षटकांत 71 धावा देत चार विकेट घेतल्या. शरीफुल इस्लामने लियाम लिव्हिंगस्टोनलाबाद केले, त्याने 75 धावा देत तीन बळी घेतले. दरम्यान, दोन्ही संघांनी त्यांच्या प्लेइंग इलेव्हनमध्ये प्रत्येकी एक बदल केला. बांगलादेशने महमुदुल्लाहच्या जागी मेहदी हसनला मैदानात उतरवले. इंग्लंडने मोईन अलीच्या जागी रीस टोपलीला खेळवलं आहे.
