मार्डी दिनांक:-२६. मार्डीत संविधान दिन उत्साहात साजरा करण्यात आला.यावेळी भारताचे संविधान ची प्रास्ताविकेचे वाचन करून,२६/११ च्या दहशतवादी हल्ल्यात शहीद झालेल्या दिवंगत पोलीस अधिकारी अशोक कामटे व त्यांच्या सहकाऱ्यांच्या प्रतिमेचे पूजन अंजू ज्योतीबा पाटील यांच्या हस्ते करून मेणबत्त्या लावून शहीदांना संत वीरशैव कक्कया समाजाच्या व्यायामशाळेत आदरांजली वाहण्यात आली.
याप्रसंगी दिवाणी क्षेत्रातील नामवंत विधीज्ञ इंद्रजित पाटील व अंजू पाटील यांची समयोचीत भाषणे झाली.
याप्रसंगी गावचे उपसरपंच श्रीकांत मार्तंडे,कृषी उत्पन्न बाजार समितीचे संचालक नामदेव गवळी सर,पंचायत समितीचे माजी सदस्य बाळासाहेब पाटील,ॲड.अजित पाटील,पोपट साठे,भिमाशंकर नारायणकर,पृथ्वीराज माने युवा मंच उत्तर सोलापूर चे सचिव भगवान कदम,सतीश उर्फ दादासाहेब पाटील, चंद्रकांत नारायणकर,दगडू गिरे,यांच्यासह बहुसंख्येने ग्रामस्थ उपस्थित होते.
यावेळी सामाजिक कार्याबद्दल पुणे येथील वीरशैव कक्कया समाजाच्या वतीने राष्ट्रीय कॉंग्रेस आय पक्ष,उत्तर सोलापूर चे सरचिटणीस व या कार्यक्रमाचे संयोजक संजय खरटमल यांचा यथोचित सत्कार पाटील कुटुंबियांच्या वतीने अंजू पाटील यांच्या हस्ते शाल व श्रीफळ देऊन करण्यात आला. याप्रसंगी प्रास्ताविक विष्णू जगताप यांनी केले तर आभार नामदेव गवळी यांनी मानले.
