सोलापूर, दिनांक 21(जिमाका) :- नॅशनल स्पोर्ट्स एरोबिक्स अँड फिटनेस चॅम्पियनशिप जिंकणाऱ्या स्ट्रीमलाईन अकॅडमीच्या खेळाडूंचे जिल्हाधिकारी कुमार आशीर्वाद यांनी कौतुक केले, अशी माहिती जिल्हा समाज कल्याण अधिकारी सुनील खमितकर यांनी दिली.
डॉ. मोहिनी मोरे यांनी प्रशिक्षित केलेल्या या खेळाडूंनी अतिशय लहान वयात राष्ट्रीय पातळीवर ही कामगिरी बजावली आहे. आंतरराष्ट्रीय कोच डॉ. मोरे यांनी या खेळाची माहिती दिली. कुमठा नाका येथील जिल्हा क्रीडा संकुल येथे या खेळाचे प्रशिक्षण दिले जाते. दीड मिनिटाच्या स्पर्धेसाठी गेली दोन वर्षे ही मुले सराव करत आहेत. मुलांच्या या यशात त्यांच्या पालकांचा मोलाचा वाटा आहे.
महाराष्ट्र संघातील खेळाडूंचा शिक्षक व सह शिक्षकांचा आज जिल्हाधिकारी कार्यालयामध्ये जिल्हाधिकाऱ्यांच्या हस्ते विशेष सत्कार करण्यात आला. या प्रसंगी समाज कल्याण अधिकारी सुनील खमीतकर यांनी खेळाडूंचे अभिनंदन करून वर्ल्ड चॅम्पियनशिप साठी त्यांना शुभेच्छा दिल्या.
या खेळाच्या अधिक माहिती साठी डॉ. मोहिनी मोरे यांचाशी 9923867706 संपर्क साधू शकता, असे खमितकर यांनी सांगितले
