सोलापूर – अक्कलकोट उत्तर पोलीस ठाण्यात नेमणूकीसअसलेल्या पोलीस शिपायास ५ हजार रुपयांची लाच स्वीकारताना लाच लुचपत प्रतिबंधक विभागाच्या पथकाने रंगेहात पकडले आहे.दादासाहेब श्रीमंत बोडके पद- पोलीस शिपाई, ब.नं. ११५२, नेमणूक अक्कलकोट उत्तर पोलीस ठाणे असे लाच स्वीकारताना रंगेहात पकडण्यात आलेल्या पोलीस शिपायचे नाव आहे.
यातील तक्रारदार हे वापरत असलेला मोबाईल चोरीचा असल्याचे सांगून, तक्रारदार यांचे विरुध्द मोबाईल चोरीचा गुन्हा दाखल न करण्याकरिता यातील आलोसे दादासाहेब बोडके यांनी तक्रारदार यांचेकडे ५०००/- रुपये लाचेची मागणी करून सदरची लाच रक्कम स्वतःस्वीकारताना लाच लुचपत प्रतिबंधक विभागाच्या पथकाने रंगेहात पकडले आहे.अक्कलकोट उत्तर पोलीस ठाणे, सोलापूर ग्रामिण येथे गुन्हा नोंद करण्याची प्रक्रिया सुरु आहे.
