सोलापूर-अक्कलकोट महामार्गावर अपघात; १ ठार, ६ जखमी

येस न्युज नेटवर्क : सोलापूर-अक्कलकोट महामार्गावरील लिंबीचिंचोळी गावाच्या परिसरात सोमवारी पहाटे पाच वाजण्याच्या सुमारास कर्नाटक राज्यातील खासगी बस उलटून झालेल्या अपघातात एक ठार तर सहा प्रवासी जखमीझाले आहेत. अक्कलकोट येथील श्री स्वामी समर्थ महाराजांचे दर्शन घेऊन कर्नाटकातील भाविक पहाटेच्या सुमारास सोलापूरकडे येत होते. वळसंग गावाहून लिंबीचिंचोळी हद्दीत गाडी येत असताना पुलावरील डिव्हायडरवर चढल्याने अपघात झाला. याचवेळी चालकाचा ताबा सुटल्याने हा अपघात झाल्याची माहिती समोर आली आहे. बसमधील जखमींना उपचारासाठी शासकीय रूग्णालयात दाखल करण्यात आले आहे.