सोलापूर : सोलापूर महानगरपालिकेच्या हद्दीत कोणतेही डिजिटल बॅनर होर्डिंग व जाहिरात लावण्यासाठी निश्चित केलेली फी रक्कम भरून महापालिकेच्या भूमी मालमत्ता व संबंधित विभागीय कार्यालयाची रीतसर परवानगी घेणे आवश्यक आहे. अन्यथा दंडात्मक तसेच फौजदारी कारवाई करण्यात येईल. सार्वजनिक मालमत्तेचे विद्रुपीकरण टाळण्यासाठी याबाबतचे आदेश महापालिका आयुक्त शीतल तेली-उगले यांनी काढले आहेत.
सध्या सोलापुर शहरातील विविध चौकात सण, उत्सव व वाढदिवसाचे बॅनर लावण्यात येत आहेत. सदरचे बॅनर हे विनापरवाना असुन त्यामुळे वाहतुकीस अडथळा व सार्वजनिक मालमत्तेचे विद्रुपीकरण होत आहे. त्या अनुषंगाने महापालिका आयुक्त शीतल तेली-उगले यांनी अनाधिकृत बॅनर,होडिंग, जाहिरात यावर आळा घालण्यासाठी आदेश जारी केले आहेत. शहरात बॅनर, होडिंग, जाहिरात करण्याकरिता दर निश्चित केले आहेत. यासाठी महापालिका भुमी व मालमत्ता कार्यालय व संबंधित विभागीय कार्यालय यांचेकडुन निश्चित केलेली रक्कम भरून परवानगी घेणे आवश्यक आहे. नागरिकांनी विहित नमुन्यातील अर्ज, वाहतुक शाखेचा ना हरकत दाखला घेऊन संबंधित कार्यालयाकडे परवानगी करिता अर्ज करावेत. एक महिन्यापर्यंत विभागीय कार्यालयाकडुन परवानगी देण्यात येईल. तसेच एक महिना ते एक वर्षासाठी परवानगी पाहिजे असल्यास भुमी व मालमत्ता विभागाकडे अर्ज करावे.
भुमी व मालमत्ता विभागाकडुन देण्यात येणारे परवानगी खालीलप्रमाणे
इलेक्ट्रॉनिक डिस्प्ले व फिरते जाहिरात इलेक्ट्रॉनिक डिस्प्ले – र.रु. १००/- प्रति चौ. फुट / प्रति दिन
संबंधित विभागीय कार्यालयाकडुन देण्यात येणारे परवानगी खालीलप्रमाणे
जाहिरात / निर्देश फलक र.रु. १५०/- प्रति चौ.फुट / प्रति महिना फिरते जाहिरात डिस्प्ले – र.रु. २०/- ते र.रु. २००/- प्रति चौ. फुट / प्रति महिना
किऑस्क (विद्युत पोलवरील जाहिराती) – र.रु.205/- प्रति महिना / प्रति पोल सायकल वरील जाहिरात मोफत
भिंतीपत्रक / भिंतीवर चिटकविलेली जाहिरात परवानगी नाही भिंत / रस्त्यावरील लिखाण परवानगी नाही स्वागत कमान र.रु. ५००/- प्रति दिवस / प्रति कमान
निशाण / बॅनर / होर्डिंग- र.रु.०५/- ते र.रु. ५००/- प्रति चौ. फुट / प्रति दिवस रोड शो रस्त्यावर / चौकात / मोकळ्या जागेत र.रु. २०००/- ते र.रु. ५०००/- प्रति दिवस
वाहनावर लाऊड स्पीकर लावुन जाहिरात करणे र.रु. १०००/- प्रति वाहन / प्रति दिवस
परवानगी न घेता फलक लावल्यास पाचपट दंड व गुन्हा
परवानगी न घेता बॅनर, होर्डिंग, जाहिरात लावल्यास जाहिरात रकमेच्या पाच पट दंड आकारण्यात येईल व त्यांच्यावर गुन्हा दाखल करण्यात येईल. बॅनर,होर्डिंग, जाहिरात च्या दर्शनी भागावर महापालिकेकडुन घेतलेली परवानगी लावण्यात यावे. अन्यथा कारवाई करण्यात येणार आहे.
आयुक्त यांचे आवाहन
प्लेक्स प्रिंटींग प्रेस धारकांनी परवानगी असल्याचे खातरजमा करुन काम हाती घ्यावे व जाहिरातवर परवाना क्रमांक व मुदत तसेच आपले नाव व मोबाईल क्रमांक ठळकपणे नमूद करावा. विना परवाना बॅनर, होर्डिंग,जाहिरात लावल्यास जनहित याचिका (PIL)155 मधील उच्च न्यायालयाच्या सुचनेनुसार जाहिरात मध्ये दिसणा-या फोटो अथवा नाव यांच्यावर गुन्हा दाखल करण्यात येईल, असे महापालिका आयुक्तांनी आदेशात स्पष्ट केले आहे. शहरातील दुकानदार, उद्योजक इतर व्यापार वर्गानी,वाणिज्यिक आस्थापनांनी त्यांच्या शॉप अॅक्ट लायसन्स मध्ये दिलेल्या नामफलक परवाना व्यतिरिक्त इतर जाहिरात फलक, निर्देश फलक लावल्यास संबंधितानी 15 जुलै पुर्वी शहरातील सर्व नागरिक व व्यापारी वर्गांनी महापालिकेकडुन संबंधित विभागाकडे विहित अर्ज करून परवानगी घेऊनच बॅनर, होर्डिंग,जाहिरात लावुन महापालिकेची कारवाई टाळावी असे आवाहन महापालिका आयुक्त शीतल तेली-उगले यांनी केली आहे.