पुण्यात काल रात्रीपासून मुसळधार पावसाला सुरुवात झाली. रात्रभर संततधार पाऊस सुरू होता तसेच सोमवारी पहाटेपासून मुसळधार पाऊस सुरू आहे. ऐन नोव्हेंबरच्या सुरुवातीला आलेल्या या अवकाळी पावसामुळे पुणेकरांची चांगलीच तारांबळ उडाली. सिंहगड रस्ता, हडपसर, कोथरूड, बाणेर, सुसगाव, धायरी, आंबेगाव आणि हिंजवडी आयटी पार्क या भागात पावसाचा जोर अधिक आहे.अचानक सुरू झालेल्या या मुसळधार पावसामुळे अनेक सखल भागांत आणि रस्त्यांवर पाणी साचले. यामुळे सकाळी कामावर आणि शाळा-कॉलेजला निघणाऱ्या नागरिकांना प्रचंड मनस्ताप सहन कराव लागला.
पुढील २ ते ३ दिवस ढगाळ हवामानासह हलक्या ते मध्यम स्वरूपाच्या पावसाची शक्यता हवामान खात्याने वर्तवली आहे. दुसरीकडे सोलापूर शहर आणि जिल्ह्यात काल बहुतांश भागात दिवसभर ढगाळ वातावरण होते. सोलापूर पुणे महामार्गावर कोंडी, सावळेश्वर,अरण, यासह जिल्ह्यातील काही भागात पावसाने हजेरी लावली. सोलापूर जिल्ह्यातील दुष्काळ अधिक गडद होत असून सोलापूर जिल्हा पावसासाठी आसुसलेला आहे.
