वर्षभरात सोलापुरातून तब्बल 35 हजार 902 प्रवाशांनी केला विमान प्रवास…!

सोलापूरकरांचे बऱ्याच वर्षापासूनचे प्रलंबित असलेले प्रवासी विमानसेवेचे स्वप्न गेल्या वर्षी पूर्ण झाले. नऊ जून 2025 रोजी सोलापूर गोवा ही फ्लाय 91 या कंपनीने किमान सेवा सुरू केली. तर 15 ऑक्टोबर 2025 पासून स्टार एअर ने सोलापूर ते मुंबई ही विमानसेवा सुरू केली. या दोन्ही विमान सेवेला जोरदार प्रतिसाद मिळत आहे हे खालील आकडेवारीवरून दिसेल. आज विमान सेवा सुरू होऊन वर्ष झाले वर्षभरात सोलापुरातून तब्बल 35 हजार 902 प्रवाशांनी मुंबई,गोवा, हैदराबाद या ठिकाणी विमानाने ये- जा करण्याचा प्रवास केला. या तीनही ठिकाणावरून 17,624 प्रवासी सोलापुरात आले तर 18278 प्रवाशांनी सोलापूरच्या विमानतळावरून टेकऑफ केले. स्टार एयर या कंपनीच्या विमानातून 7679 प्रवासी सोलापुरातून मुंबईला गेले तर 7625 प्रवासी मुंबईहून सोलापूरला आले. फ्लाय 91 या कंपनीच्या विमानातून गोवा हैदराबाद या ठिकाणी 10हजार 599 प्रवासी गेले तर तिथून 9999 एवढे प्रवासी सोलापुरात आले. सोलापूर विमानतळ प्राधिकरणाकडून ही अधिकृत माहिती येस न्यूज मराठीसाठी देण्यात आली. वर्षभरात तब्बल 35 हजार 902 प्रवाशांनी विमान सेवेचा लाभ घेतला यावरूनच सोलापूरला विमान सेवा किती गरजेची आहे हे स्पष्ट होते.