सोलापुरात दोन बांधकामे पाडली…हा असणार पाडकामाचा आठवडा…!

सोलापूर महापालिकेचने बडतर्फ केलेले अधिकारी नाईकवाडी, श्रीकांत खानापुरे,क्षीरसागर आणि घंटे यांनी दिलेल्या बेकायदेशीर बांधकामावर कोर्टाच्या आदेशानुसार पाडकामाची कारवाई आजपासून सुरू झाली. मोठा पोलीस बंदोबस्त आणि महापालिकेचे बांधकाम विभाग अतिक्रमण विभाग अशा शेकडो कर्मचाऱ्यांच्या उपस्थितीत आज दुपारी बारा वाजता जेसीबीच्या साह्याने पाश्चापेठेतील वन बिल्डर आणि इब्राहिम किल्लेदार या दोघांच्या इमारतीमधील बेकायदेशीर भाग पाडण्यात आला. या दोन्हीही इमारतीमध्ये पार्किंगच्या ठिकाणी गाळे काढण्यात आले होते. ते उद्ध्वस्त करण्यात आले. तसेच या दोन्ही इमारतीमध्ये वरचा एक- एक अतिरिक्त मजला बेकायदेशीर असून तो देखील लवकरच पाडला जाणार आहे. नाईकवाडी आणि टोळीने दिलेल्या 96 बांधकाम परवान यापैकी 35 बांधकामे महापालिकेकडून पाडली जाणार आहेत. त्यामुळे आज पासून सुरू झालेली ही कारवाई पुढे आठ दिवस सुरूच राहणार आहे.2021 पासून ही प्रकरणी गाजत असून प्रत्यक्ष पाडकामाला आजपासून सुरुवात झाली आहे. संपूर्ण इमारत न पाडता जेवढे बेकायदेशीर बांधकाम आहे तेवढेच पाडले जात आहे अशी माहिती मनपा अधिकाऱ्यांनी दिली.