बॉम्बे इंजिनियर ग्रुप (खडकी) पुणे यांच्या वतीने भेषा निवृत्त अधिकारी व माजी सैनिकांसाठी माजी सैनिक आऊटरीच कार्यक्रमाचे आयोजन करण्यात आले आहे. हा कार्यक्रम बहुउद्देशीय सभागृह, जुने जिल्हाधिकारी कार्यालय, सोलापूर येथे दिनांक ०४ नोव्हेंबर २०२५ रोजी सकाळी ०९ ते दुपारी ४ वाजेपर्यंत पार पडणार आहे.
या आऊटरीच कार्यक्रमाचा मुख्य उद्देश म्हणजे पेन्शनधारक माजी सैनिक आणि त्यांच्या कुटुंबीयांना पेन्शनशी संबंधित तक्रारींचे मार्गदर्शन व निवारण करणे हा आहे.
कार्यक्रमात PCDA (P) मधील मंजुरी प्राधिकरण, अभिलेख कार्यालय बॉम्बे इंजिनियर ग्रुप (खडकी) तसेच पेन्शन वितरण प्राधिकरण बँका यांचे प्रतिनिधी उपस्थित राहणार आहेत. कागदपत्रांशी संबंधित त्रुटी, पेन्शन वाटपातील विलंब किंवा दुरुस्तीसंदर्भात माजी सैनिकांना थेट संबंधित अधिकाऱ्यांकडून मदत मिळणार आहे.
बॉम्बे इंजिनियर ग्रुप तर्फे देण्यात आलेल्या माहितीनुसार, सर्व माजी सैनिक व त्यांच्या कुटुंबीयांनी आवश्यक कागदपत्रांसह या कार्यक्रमाला उपस्थित रहावे, असे आवाहन करण्यात आले आहे.
