सोलापूर — कृषि आयुक्त यांचे आदेशानुसार महाराष्ट्र शासनाच्या महाडीबीटी पोर्टलवर राष्ट्रीय कृषि विकास योजना-‘प्रति थेंब अधिक पीक’ अंतर्गत अनुसूचित जाती व अनुसूचित जमाती प्रवर्गातील शेतकऱ्यांसाठी ठिबक सिंचन व तुषार सिंचन बाबीकरिता निधी उपलब्ध करण्यात आला आहे.
या अनुषंगाने दिनांक ३ नोव्हेंबर २०२५ ते १७ नोव्हेंबर २०२५ या कालावधीत विशेष अर्ज मोहिम राबविण्यात येणार आहे. सदर कालावधीत पात्र शेतकऱ्यांनी महाडीबीटी पोर्टलवर आवश्यक कागदपत्रांसह अर्ज सादर करावा, असे आवाहन जिल्हा अधिक्षक कृषि अधिकारी शुक्राचार्य भोसले यांनी केले आहे.
या योजनेचा लाभ घेण्यासाठी शेतकऱ्यांनी वेळेत अर्ज करून सिंचन सुविधा प्राप्त करावी, जेणेकरून पाण्याचा कार्यक्षम वापर करून उत्पादनवाढ साधता येईल, असेही भोसले यांनी नमूद केले आहे.
