सोलापूर पुणे महामार्गावर अरण गावच्या हद्दीत भरधाव ट्रकमध्ये स्वयंपाक करताना आग लागली…

सोलापूर – दिनांक ३० सप्टेंबर २०२५ रोजी दुपारी दिड वाजण्याच्या सुमारास सोलापूर पुणे महामार्गावर अरण गावच्या हद्दीत शेळके वस्तीजवळ मुंबईवरून बंगलोर येथे जात असताना मालवाहक ट्रक क्रमांक KA 07 B 9115 मधे स्वयंपाक करत असताना गॅस शेगडीचा अचानक भडका झाल्यानंतर केबिन मध्ये आग लागल्याचे निदर्शनास आल्यामुळे घाबरलेल्या ट्रक चालकाने रस्त्यातच ट्रक उभा केला आणि आग विझविण्याचा प्रयत्न केला सदर आगीच्या घटनेची माहिती वरवडे टोल नाका येथील ग्रस्तीपथक आणि रुग्णवाहिका पथकाला मिळाल्यानंतर तात्काळ घटनास्थळी धाव घेऊन डॉ महेंद्र ताकतोडे, रुग्णवाहिका चालक मगंध भोसले यांनी ट्रक चालक आणि क्लिनर यांच्या मदतीने अग्नीशामक यंत्राने आणि पाण्याचा वापर करून सदर ट्रकला लागलेली आग अथक प्रयत्न करून विझवली असून यामध्ये कोणीही जखमी झाले नसून या घटनेची माहिती मिळताच मोडनिंब महामार्ग पोलिस मदत केंद्राचे प्रभारी अधिकारी उमेश पवार (PSI) आणि त्याचे कर्मचारी तात्काळ घटनास्थळी धाव घेऊन सदर आग लागलेला ट्रक रस्त्याच्या बाजूला घेण्यास मदत केली असून सोलापूरच्या दिशेने जाणारी वाहतूक सुरळीत केली आहे. सदर घटनेची माहिती टेंभूर्णी पोलिस स्टेशन येथील अपघात विभागाचे अधिकारी जगताप आणि सरडे यांना दिली आहे.