सोलापूर : राजमाता अहिल्यादेवी होळकर प्रसूतिगृहाकडील वैद्यकिय अधिकारी डॉ. ज्ञानेश्वर सोडल यांनी आपल्या सेवा काळात रुग्णांना तळमळीने चांगली वैद्यकीय सेवा दिली, असे गौरवोद्गार महापालिका आरोग्य अधिकारी डॉ. राखी माने यांनी काढले.
राजमाता अहिल्यादेवी होळकर प्रसूतिगृहाकडील वैद्यकिय अधिकारी डॉ. ज्ञानेश्वर सोडल यांचा सेवानिवृत्ती निमित्त निरोप सत्कार समारंभ पार पडला. त्याप्रसंगी अध्यक्षस्थानावरून त्या बोलत होत्या.
यावेळी माजी आरोग्य अधिकारी डॉ. जयंती आडकी, डॉ. मजिरी कुलकर्णी, आरसीएच ऑफीसर डॉ. वैशाली शिरशेटटी, स्त्रीरोग तज्ञ डॉ. सुनीता देगावकर, डॉ. मस्तुद, डॉ. अतिश बोराडे, सिध्दरामेश्वर बोरगे, मेट्रन गुरव आदींसह मान्यवरांची प्रमुख उपस्थिती होती.
यावेळी डॉ. सोडल यांचा यथोचित सत्कार करण्यात आला. त्यांच्या कार्यकाळात त्यांनी चांगली वैद्यकीय सेवा दिली. यामुळे महापालिका आरोग्य विभागाचा नावलौकिक झाला. बऱ्याच सुधारणा करण्यास मदत झाली, अशी भावना यावेळी उपस्थित मान्यवरांनी व्यक्त केली.
