मोहोळ – मोहोळ तालुक्यात कोरोनाचा शिरकाव झाला असून, या सदृश्य आजाराचे चार रुग्ण सापडले आहेत. पैकी तिघांना सोलापूर येथील शासकीय रुग्णालयात चाचणी साठी दाखल केले आहे, तर एकाला घरीच क्वारंटाईन केले असल्याची माहिती तालुका वैद्यकीय अधिकारी डॉ अरुण पात्रुडकर यांनी दिली.
आरटीपीसीआर चाचणीसाठी सोलापूरच्या शासकीय रुग्णालयात मोहोळ येथुन पाठवण्यात आले आहे. ते तिघे परप्रांतीय असुन रस्त्याच्या कामावरील मजूर आहेत. दुसरा एक जण आहे तो मोहोळ परिसरातील माने वस्तीवरील आहे. त्याची तपासणी करून त्याला घरीच क्वारंटाईन केले आहे. सध्या वातावरण सारखे बदलते आहे. कधी ढगाळ तर कधी कडाक्याची थंडी. यामुळे ताप, खोकला, सर्दी हे आजार बळावत आहेत. दरम्यान तिघे जण पेनुर परसरातील आहेत.
