राजश्री चव्हाण यांची निवेदनाद्वारे जिल्हाधिकाऱ्यांकडे मागणी
सोलापूर : पारधी समाजातील सुशिक्षित बेरोजगार तरुण-तरुणी यांना शासनाच्या मुद्रा लोनचा लाभ मिळावे, अशा मागणीचे निवेदन राजश्री चव्हाण यांनी जिल्हाधिकारी यांना दिले.
केंद्र शासनाचा व महाराष्ट्र शासनाचा महत्त्वकांक्षी मुद्रा लोन सुशिक्षित बेरोजगारांना स्वतःच्या पायावर उभे राहून उद्योग धंदा करून उपजीविका करण्यासाठी प्रत्येक बँकेला, प्रत्येक समाजातील सुशिक्षित रोजगारांना मुद्रा लोन मंजूर करण्याचे शासनाचे आदेश आहेत. सोलापुरातील पारधी समाजातील अनेक सुशिक्षित तरुण तरुणीने याबाबत कागदपत्रे सर्व राष्ट्रीयकृत बँकेत प्रकरणे सादर केलेले आहेत. परंतु अद्याप पर्यंत एकाही पारधी समाजातील तरुण अथवा तरुणीला उद्योग व्यवसायासाठी केंद्र शासनाचा मुद्रा लोन अद्यापपर्यंत मिळालेला नाही. या युवकांचे प्रलंबित कर्ज प्रकरण त्वरित मार्गी लावण्यात यावे. तात्काळ कर्ज मंजूर करण्याबाबत संबंधित राष्ट्रीयकृत बँकेचे व्यवस्थापक यांना आदेश द्यावेत, असेही या निवेदनात नमूद आहे.
याप्रसंगी समाजसेविका विमल काळे, फत्तेसिंग काळे, सावित्रा चव्हाण, प्रशांत काळे, मोनाली काळे, अभिजीत चव्हाण, हेमंत काळे व इतर पारधी समाजातील सुशिक्षित बेरोजगार तरुण-तरुणी मोठ्या संख्येने उपस्थित होते.
