येस न्युज नेटवर्क : सुमारे एक हजार दहशतवाद्यांनी इस्राइल मध्ये घुसून केलेल्या रॉकेट हल्ल्यामुळे इस्राइल कडून मोठ्या प्रमाणावर प्रतिहल्ले सुरू करण्यात आले आहेत. केवळ 96 लाख लोकसंख्या असलेल्या इसराइलला अमेरिकेने मोठी लष्करी मदत पाठवली आहे. तर इराणने दहशतवादी प्रवृती असलेल्या पॅलेस्टाईनला जाहीर मदत केली आहे. आजवर या हल्ल्यात इस्राइल आणि पॅलेस्टाईनचे बाराशे जण मृत्युमुखी पडले आहेत. 4 हजार जखमी झाले असून हमास आणि इस्लामिक जिहाद गटाने 130 जणांना ओलीस ठेवले आहे. इसराइलने प्रतिहल्ले केल्यानंतर गाझा पट्टीतील एक लाख 23 हजार नागरिक विस्थापित झाले आहेत. हमासचा संपूर्ण विनाश केल्याशिवाय हे युद्ध संपणार नसल्याचा निर्धार इस्राईलचे पंतप्रधान बेंजामिन नेत्यानाहू यांनी जाहीर केले. या युद्धामध्ये अमेरिकेचे नऊ ,थायलंडचे 12 ,नेपाळचे 10 जण मृत्यूमुखी पडले असून इजराइल मध्ये असलेले 18000 भारतीय सुरक्षित आहेत.