राज्याच्या पोलीस महासंचालकपदी रश्मी शुक्ला; अद्याप अधिकृत ऑर्डर नाही

मुंबई : महाराष्ट्र राज्याच्या पोलीस महासंचालक पदी रश्मी शुक्ला यांची नियुक्ती होऊ शकते. त्या राज्याच्या पहिल्या महिला पोलीस महासंचालक बनतील. सांस्कृतिक मंत्री सुधीर मुनगंटीवार यांनी टि्वट करुन रश्मी शुक्ला यांची पोलीस महासंचलाकपदी नियुक्ती झाल्याबद्दल त्यांच अभिनंदन केलय. त्यामुळे येणारी पुढची ऑर्डर रश्मी शुक्ला यांच्या नियुक्तीची असू शकते. रश्मी शुक्ला यांची पोलीस महासंचालकपदी नियुक्ती झाल्याची सरकारकडून अजून अधिकृत ऑर्डर आलेली नाही. महाविकास आघाडी सरकारच्या काळात नेत्यांच्या फोन टॅपिंग प्रकरणामुळे रश्मी शुक्ला चर्चेत आल्या होत्या.

सध्याचे राज्याचे पोलीस महासंचालक रजनीश सेठ यांची MPSC अध्यक्षपदी नियुक्ती करण्यात आली आहे. सुधीर मुनगंटीवार यांच्या टि्वटमध्ये रश्मी शुक्ला याच पुढच्या राज्याच्या पोलीस महासंचालक असतील अशी चर्चा रंगली आहे. रश्मी शुक्ला पुन्हा एकदा महाराष्ट्रात दमदार कमबॅक करु शकतात. मागच्या काही दिवसांपासून ही चर्चा सुरु आहे. सध्या त्या सीआरपीएफ नियुक्तीवर आहेत. मविआ सरकारमधील नेत्यांच्या फोन टॅपिंगमुळे त्यांचं नाव चर्चेत होतं.