सोलापूर वनविभागाकडून सुमारे २० लाख किमतीचे अवैध्य चंदन लाकूड हस्तगत

सोलापूर – दिनांक 18/02/2023 मंद्रूप ते कंदलगाव रस्त्यावर चंदन लाकडाची अवैध वाहतुक होत असल्याची गुप्त माहिती मिळाली. सदर माहितीच्या अनुषंगाने वनपरिक्षेत्र अधिकारी सोलापूर वनपाल दक्षिण सोलापूर व वनरक्षक मंद्रुप व कर्मचारी यांचे समवेत घटनास्थळी जावून तात्काळ पाहणी केली. काही इसम विना नंबर प्लेट वाहनाद्वारे चंदन लाकूड वाहतुक करीत असल्याचे दिसून आले. त्यामुळे आरोपी इसम नामे 1) हिराप्पा परशुराम भोसले, 2) परशुराम हुबळी भोसले (रा. दोघे घाडगेवस्ती मु.पो. खर्डी ता. पंढरपूर जि. सोलापूर) व 3) रमेश चन्नप्पा भोसले (रा. मंगळवार पेठ, परीट गल्ली, मिरज ता. मिरज जि. सांगली सद्या रा. घाडगेवस्ती मु.पो. खर्डी ता. पंढरपूर जि. सोलापूर) यांना ताब्यात घेतले असून यामध्ये अंदाजे किंमत 20 लाख रुपये किंमतीचे चंदन व एक नवीन बोलेरो पिकअप वाहन जप्त केली असून यांची एकूण 30 लाख किंमतीचा मुद्देमाल वनविभाग यांनी जप्त केला आहे. सदर आरोपीनी भारतीय वनअधिनियम 1927 चे कलम 41, 42 व 52 अन्वये तसेच महाराष्ट्र वननियमावली 2014 चे कलम 37.41.47 व 55 चे उल्लंघन केलेले आहे. सदर आरोपीवर वनगुन्हा क्रमांक POR-08/2025 दिनांक 18/02/2023 हा नोंदविला असून पुढील तपास शशिकांत एकनाथ सावंत, वनपाल दक्षिण सोलापूर हे करित आहेत. सदर कारवाई सोलापूर वनविभागाचे मा. उपवनसंरक्षक धयशिल पाटील व सहा. वनसंरक्षक (रोहयो) सोलापूर लक्ष्मण आवारे यांचे मार्गदर्शनाखाली केली असून त्यामध्ये दिपक पं. खलाणे, वनपरिक्षेत्र अधिकारी सोलापुर, शशिकांत ए. सावंत, वनपाल दक्षिण सोलापुर, शंकर भि, कुताटे वनपाल उत्तर सोलापुर, तुकाराम म. बादणे वनरक्षक मंद्रूप, अनिता सि. शिंदे वनरक्षक गंगाधर कणबस, कृष्णा निरवणे वाहुनचालक, आनंद भडकवाड व नितीन चराटे यांचे पथकाने कारवाई केली.