सुप्रसिद्ध तमिळ अभिनेते मायिलसामी वयाच्या 57 व्या वर्षी घेतला अखेरचा श्वास

तमिळ अभिनेते मायिलसामी यांचे रविवार (19 फेब्रुवारी) निधन झाले आहे. त्यांनी 57 व्या वर्षी अखेरचा श्वास घेतला. ट्रेड अनालिस्ट रमेश बाला यांनी सोशल मीडियावर मायिलसामी यांच्याबद्दल एक पोस्ट शेअर केली. तसेच प्रसिद्ध अभिनेते कमल हसन यांनी देखील ट्वीट शेअर करुन मायिलसामी यांना श्रद्धांजली वाहिली आहे. मायिलसामी यांच्या निधनानं तमिळ चित्रपटसृष्टीवर शोककळा पसरली आहे. ‘दिवंगत अभिनेता मायिलसामी यांना अस्वस्थ वाटत होते. त्यांचे कुटुंबीय त्यांना पोरूर रामचंद्र रुग्णालयात घेऊन जात होते, तेव्हा वाटेतच त्यांचे निधन झाले. ते अनेक चित्रपटांमध्ये मेकिंगमध्ये व्यस्त होते. दिग्गज अभिनेत्याला श्रद्धांजली.’, असं रमेश बाला यांनी ट्वीटमध्ये लिहिलं आहे.