सोनकवडे प्रतिष्ठानतर्फे कक्कय्या समाजातील गुणवंतांचा गाैरव

साेलापूर : येथील सोनकवडे गुरुजी प्रतिष्ठान व श्रीनिधी संघ सोलापूर यांच्यातर्फे कक्कय्या समाजातील नुकतेच एमपीएससी उत्तीर्ण हाेऊन अधिकारी झालेले आरटीओ कार्यालयातील अधिकारी नवनियुक्त अमित कोकणे, प्रतीक्षा नारायणकर आणि उदयाेन्मुख साहित्यिक मारुती कटकधाेंड यांचा सत्कार करण्यात आला.अध्यक्षस्थानी ज्येष्ठ नागरिक यल्लप्पा सोनवणे तर प्रुमुख पाहुणे म्हणून निवृत्त व्यवस्थापकीय संचालक मंगेश शिंदे उपस्थित होते. सोनकवडे गुरुजी प्रतिष्ठानच्या माध्यमातून समाजासह आठरा पगड जातीच्या मुलांना स्पर्धात्मक परीक्षेत यशस्वी होण्यासाठी प्रयत्न सुरू केल्याचे श्री. शिंदे म्हणाले. लक्ष्मीदास सोनकवडे यांनी प्रतिष्ठानची स्थापना आणि संस्थेची वाटचाल, भविष्यातील याेजना या बाबतीत माहिती दिली. प्रतीक्षा नारायणकर व अमित कोकणे यांचे भाषण झाले. यावेळी श्रीनिधीचे शांताराम शिंदे यांनी प्रास्ताविक केले. सूत्रसंचालन डाॅ. दीपक नारायणकर यांनी केले. आभार सटवाजी होटकर यांनी मानले.