येस न्युज नेटवर्क : मोहोळ मतदारसंघातील मोहोळ, पंढरपूर व उत्तर सोलापूर तालुक्यातील ज्या शेतकऱ्यांनी नोव्हेंबर, डिसेंबर २०२१ अखेर काही प्रमाणात बीले भरली असतील. त्या शेतकऱ्याचे वीज कनेक्शन तोडू नये व ज्या शेतकऱ्यांनी अद्यापही बीले भरलेले नाहीत. अश्या शेतकऱ्यांना तात्काळ सूचना करून १० ते १५ दिवसाचा कालावधी द्या अशी मागणी आमदार यशवंत माने यांनी केले आहे.
गुरुवारी सोलापूर जिल्हाधिकारी कार्यालयात आमदार यशवंत माने,जेष्ठ नेते बळीराम साठे, जिल्हाधिकारी मिलिंद शंभरकर व सोलापूर महावितरणचे अधीक्षक अभियंता संतोष सांगळे यांची बैठक पार पडली. शिवाय मार्च २०२२ अखेर पर्यंत शेतकऱ्यांना बील भरण्याचा तगादा लावू नये अश्या देखील सुचना महावितरणच्या अधिकाऱ्यांना केल्या. यावेळी मोहोळ तालुका उप अभियंता सुरेश पवार, उ सोलापूरचे उप अभियंता अनिल अंकोलीकर, बापूराव साठे, हरीभाऊ घाडगे उपस्थित होते.
