उत्तर सोलापूर(समाधान रोकडे) : सोलापूर जिल्हा परिषद तसेच पंचायत समिती निवडणूका काही महिन्यावर येऊन ठेपल्या असून या वर्षी जिल्हा परिषदचे नव्याने तीन गट व पंचायत समितीचे चार गणावरून सहा गण होणार असल्याने उत्तर सोलापूर तालुक्यातुन राष्ट्रवादी काँग्रेस पक्षातून निवडणूक लढविण्यास अनेक जण इच्छुक आहेत. यामध्ये गावडी दारफळ गावातील तरुण उद्योजक कल्याण काळे यांचे नाव चांगलेच चर्चेत आलेले दिसून येत आहे.
कल्याणराव काळे एक तरुण उद्योजक असून त्यांचा उत्तर सोलापूर तालुक्यातील क्रिकेट प्रीमियर लीग मुळे अनेक तरुणांशी चांगला संबंध वाढल्याने तरुणाच्या तोंडामध्ये कल्याणराव काळे यांचे नाव येत आहे. कल्याणराव काळे यांनी गेल्या दोन ते तीन वर्षापासून उद्योग व सामाजिक क्षेत्रात चांगलीच कामगिरी केल्याचे दिसून येत आहे .गावातील अनेक तरुणांना त्यांनी उद्योग धंदा करण्यासाठी चालना देऊन आर्थिक बळ देखील दिले आहे.त्यामुळे अनेक तरुण उद्योग व्यवसायात गुंतलेले दिसत आहेत त्यांनी त्यांच्या वाढदिवसानिमित्त कल्याणराव काळे प्रीमियर लीग चे आयोजन केले होते.यामध्ये तालुक्यातील 14 संघाने भाग घेतला होता.या प्रीमियर लीग साठी त्यांनी लाखो रुपटे खर्च केले होते.या प्रीमियर लीगच्या बक्षीस समारंभाच्या कार्यक्रमाच्या वेळी त्यांचा वाढदिवस साजरा करण्यात आला होता.यावेळी येथे राष्ट्रवादी काँग्रेसचे जिल्हा अध्यक्ष बळीराम काका साठे ,उपसभापती जितेंद्र शीलवंत ,वडाळा गावचे सरपंच जितेंद्र साठे,तालुका अध्यक्ष प्रल्हाद काशीद,युवक अध्यक्ष बालाजी पवार, अविनाश मार्तंडे, भाऊसाहेब लामकाने तसेच तालुक्यातील राष्ट्रवादी काँग्रेस पार्टीचे कार्यकर्ते मोठया संख्येने उपस्थित होते.
