सोलापूर विद्यापीठाने तयार केला महापालिकेसाठी पर्यावरण आराखडा

सोलापूर : महाराष्ट्र महानगरपालिका अधिनियम 1949 मधील 67 अ नुसार सर्व महानगरपालिकानी आपल्या शहराचा पर्यावरण सद्यस्थिती अहवाल (Environment Status Report) प्रत्यक वर्षी 31 जुलै अखेर महाराष्ट्र प्रदूषण मंडळांचे DPSIR या मार्गदर्शक तत्वांच्या अनुषंगाने तयार करून मा सर्वसाधारण सभेकडे पाठविणे आवश्यक असुन आजला सोलापूर महानगरपालिकेने सन 2020-21 करिताचा ESR अहवाल पुण्यश्लोक आहिल्याबाई होळकर सोलापूर विद्यापीठ, सोलापूर यांचे माध्यमातून तयार करणेत आला असुन सदर अहवाल आज महापौर श्रीकांचना यन्नम यांच्या हस्ते प्रकाशन करण्यात आले.यावेळी कुलगुरू मृणालिनी फडणवीस, महापालिका आयुक्त पी. शिवशंकर,विरोधी पक्षनेते अमोल बापू शिंदे, गटनेते आनंद चंदनशिवे, मंडई उद्यान सभापती गणेश पुजारी उपायुक्त धनराज पांडे, पर्यावरण विभागाचे प्रमुख विनायक धुळप ,स्वप्निल सोलनकर,आदी मान्यवर उपस्थित होते. या अहवाला मध्ये पंचमहाभूतांची (वायु, जल, भुमी, अग्नी व आकाश) शहरातील सध्याची स्थिती दर्शविली असुन वातावरण बदलामुळे होणारे परिणामांचा सहभाग करणेत आला आहे.आजला सदर अहवाल हा शहरवाढीला चालना देणारा तसेच शहरातील नागरिकांना आपल्या सभोवतालच्या पर्यावरणाची सद्यस्थिती दर्शवणारा व विध्यार्थ्यांना संशोधनसाठी महत्वाची माहिती उपलब्ध करून देणारा ठरणार आहे. तसेच सदर अहवालामध्ये महानगरपालिका स्तरावर पर्यावरणाच्या दृष्टीने घेण्यात येत असलेल्या उपक्रमांची थोडक्यात माहिती देखील उपलब्ध करून देण्यात आलेली आहे.तसेच सोलापूर महानगरपालिकेस महाराष्ट्र शासनाचे माझी वसुंधरा अभियान सन 2020-21 अंतर्गत सोलापूर महानगरपालिकाने प्रथम वर्षी सहभाग घेऊन उत्कृष्ट काम करून एकूण 43 अमृत शहरांमधून 11 वा नंबर सोलापूर शहरास प्राप्त केलेबाबत शासन स्तरावरून प्रमाणपत्र देण्यात आले असून ते प्रमाणपत्र आज महापालिका आयुक्त. पि.शिवशंकर व उपायुक्त धनराज पांडे यांनी महापौर श्रीकांचना यन्नम यांच्या कडे सुपूर्त केले.