सोलापूर । जगभर थैमान घातलेल्या कोरोना विषाणू महामारीच्या प्रचंड प्रादुर्भावामध्ये सर्वसामान्य जनतेस आरोग्य सेवा देत असताना कित्येक डॉक्टरांना या भयंकर विषाणूची लागण झाली, तर दुर्दैवाने काही डॉक्टर हे विरगतीसही प्राप्त झाले. मॅनकाइंड फार्मा यांच्या वतीने महाराष्ट्र, ओडिसा, बिहार व झारखंड येथील मृत्युमुखी पडलेल्या कोव्हीड योद्धे डॉक्टरांना आदरांजली व त्यांच्या कुटुंबियांना आर्थिक सहाय्य देण्यात येत आहे.
निमा सोलापूर व पंढरपूर शाखांच्या पाठपुराव्याने कोव्हीडयोद्धे कै. डॉ सचिन दोशी यांच्या कुटुंबीयांना देखील मॅनकाइंड फार्मा यांच्यातर्फे आर्थिक साहाय्य देण्यात आले असून सदर कार्यक्रमात आर्थिक मदतीचा चेक सुपूर्द करण्यात आला आहे. याप्रसंगी डॉ. विनायक टेंभुर्णीकर (राष्ट्रीय अध्यक्ष, निमा), डॉ. दत्तात्रय व्हनमाने (विभागीय सचिव, सोलापूर विभाग), डॉ. साहेबराव गायकवाड (माजी MCIM उपाध्यक्ष व प्राचार्य, साई आयुर्वेद महाविद्यालय, वैराग), डॉ. रुपेश येडके (अध्यक्ष, निमा सोलापुर), डॉ. सोमनाथ शिंदे (अध्यक्ष, निमा पंढरपूर), डॉ. स्मिता बुब (अध्यक्षा, निमा वुमन्स फोरम सोलापूर), श्री. सचिन कुडालकर (रिजनल मॅनेजर, मॅनकाइंड), श्री. श्रीधर यनगण्डूल (एरिया मॅनेजर, मॅनकाइंड) तसेच निमा वुमन्स फोरम, सोलापूर शाखेचे पदाधिकारी, निमा स्टुडंट फोरम, सोलापूर जिल्हा शाखेचे सदस्यगण आदि उपस्थित होते.यावेळी कार्यक्रमाचे सूत्रसंचालन स्टुडन्ट फोरमच्या सहसचिव संयुजा पाटील यांनी केले, तर आभार प्रदर्शन सोलापुर शाखेचे अध्यक्ष डॉ. रुपेश येडके यांनी केले. कार्यक्रमाच्या यशस्वीतेसाठी डॉ. किरण देशमुख (सदस्य, निमा सोलापुर) आणि स्टुडन्ट फोरमच्या पदाधिकाऱ्यांनी परिश्रम घेतले.
निमा, सोलापूर.
निमा वुमन्स फोरम, सोलापूर.
निमा स्टुडंट्स फोरम, सोलापूर जिल्हा.
